Qazaqstan Prezidenti Qasym-Jomart Toqaevtyń Qyrǵyzstanǵa memlekettik sapary kezinde qoǵamdyq tártipti saqtaý úshin shamamen 3,5 myń militsiia qyzmetkeri jumyldyrylady. Bul týraly Qyrǵyz Respýblikasy Ishki ister ministrliginiń baspasóz qyzmeti málimdedi, dep habarlaidy Dalanews.kz.
"Memlekettik deńgeidegi is-sharaǵa bailanysty qoǵamdyq tártip pen jol qozǵalysynyń qaýipsizdigin qamtamasyz etý maqsatynda shamamen 3500 militsiia qyzmetkeri tartylady. Resmi is-sharalar ótetin kúnderi ishki ister organdarynyń qyzmetkerleri kúsheitilgen tártipte jumys isteidi. Kólik qozǵalysy delegatsiia korteji júrgen sátte ǵana ýaqytsha shekteledi: Bishkekte "Manas" áýejaiynan memlekettik rezidentsiiaǵa deiingi baǵytta, ári qarai Dooronbek Sadyrbaev kóshesi arqyly "Ata-Beiit" memorialdyq keshenine deiin, sondai-aq Togolok Moldo kóshesinde", – delingen beisenbi kúngi habarlamada.
Eske salaiyq, Qasym-Jomart Toqaevtyń Qyrǵyzstanǵa memlekettik sapary 21–22 tamyzda ótedi.
Bishkekte memleketter basshylary qazaq-qyrǵyz strategiialyq seriktestigi men odaqtastyq qatynastaryn odan ári nyǵaitý maqsatynda kelissóz júrgizedi.
Sondai-aq prezidentter Qazaqstan men Qyrǵyzstannyń Joǵary memleketaralyq keńesiniń otyrysyna qatysady.
