Kantsler Angela Merkelmen kelissózden keiin Prezidentke baýyrlas eldiń qazirgi jaǵdaiy jóninde suraq qoiyldy. Qazaqstan basshysy Ýkrainamen dostyq ári áriptestik bailanys baryn alǵa tartyp, keleshegine bei-jai qaramaitynyn bildirdi. Sondai-aq, Tuńǵysh Prezident Nursultan Nazarbaevtyń Ýkraina máselesin sheshý jónindegi usynysyn eske saldy.
Qasym-Jomart Toqaev, Qazaqstan Respýblikasynyń Prezidenti:
– Tuńǵysh Prezidentimiz Qazaqstan aýmaǵynda Ýkraina máselesin sheshýge baǵyttalǵan bitimgerlik usynys jasady. Degenmen, aradaǵy kelispeýshilikterge, eń aldymen, Normand formatyndaǵy jiynda núkte qoiylady degen oidamyz. Bul basqosý 9 jeltoqsanda Parijde ótkeli tur. Taraptarǵa sáttilik tileimiz. Ýkrainamen bizdi dostyq ári jan-jaqty áriptestik bailanystyrady. Ýkraina halqyna qurmetpen qaraimyz. Olar beibit te berekeli ómir súrýge laiyqty.
