Qazaqstan Prezidenti Qasym-Jomart Toqaev Úkimettiń qosymsha qun salyǵy (QQS) kólemin arttyrý týraly usynysyn qoldady. Bul týraly Memleket basshysy Úkimettiń keńeitilgen otyrysynda málimdedi, dep jazady Dalanews.kz.
Ulttyq ekonomika ministri Serik Jumanǵarinniń Úkimet otyrysynda tanystyrǵan salyq reformasyna sáikes, QQS boiynsha tirkeý shegin 15 mln teńgege deiin tómendetý josparlanǵan. Sonymen birge Úkimet salyq mólsherlemesin kóterýdi de qarastyryp otyr. Onyń mólsherleme kólemin ministrler Parlament depýtattarymen talqylaýdy josparlap otyr.
"Osylai, jumys isteńizder. Reforma qajet ekenin rastaimyn. Qazir bizdiń basty mindetimiz – Ulttyq qordan bólinetin transfertter kólemin azaitý, onyń jinaqtaýshy fýnktsiiasyn kúsheitý. Jinaqtalǵan qarajatty iri infraqurylymdyq jobalardy qarjylandyrýǵa baǵyttaý qajet. Sol arqyly memleketti damytý fýnktsiiasyn nyǵaitatyn bolamyz. Degenmen bul máselege áli de tereńirek úńilý kerek", – dedi Prezident.
Sonymen qatar Memleket basshysy elimizde ekonomika salalaryn ártaraptandyrý mindetiniń áli tolyqqandy oryndalmaǵanyna, Qazaqstan ekonomikasynyń áli de Ulttyq qorǵa táýeldi ekenine basa nazar aýdartty.
Aita ketsek,buǵan deiin Úkimet qosymsha qun salyǵy mólsherlemesin kóterýdi usynǵan edi. Al QQS ósken jaǵdaida úkimet jumys berýshiniń aýdarýy tiis áleýmettik salyǵy men mindetti zeinetaqy jarnalaryn joiýy múmkin. Bul Eńbekaqy qoryna túsetin júktemeni 10-30%-ǵa tómendetedi dep kútiledi. "Al mundaida bul shyǵyndardy biýdjet óz moinyna ala alady", - dep atap ótti vitse-premer Serik Jumanǵarin. Sarapshylar qaýymynyń biri parasy bul bastamaǵa narazy.
