"Qazaqstanda túrli salyq rejimi, kóptegen jeńildikter men preferentsiialar bar. Onyń bári elimizde salyq ofshory siiaqty ahýal qalyptastyrdy. Kásipkerlerdiń eki negizgi toby paida boldy. Olar – zańnamadaǵy olqylyqtardy paidalanyp, salyq salynatyn tabysyn ózi úshin azaityp kórsetetinder jáne barlyq salyqty adal tóleitinder. Kásipkerlerdiń osy ekinshi toby básekege tótep bere almai jatyr". Ulttyq quryltaida osylai degen Memleket basshysy Qasym-Jomart Toqaev salyqqa qatysty jańashyldyqtyń barlyǵy ádildik ornatý úshin jasalyp jatqanyn aitty, dep habarlaidy Dalanews.kz.
"Úkimet salyq tóleýden jaltarý úshin biznesin bólshekteitinderdiń áreketine oryndy nazar aýdardy. Ókinishke qarai, mundai jaǵdai jappai beleń alǵan. Zańnamadaǵy olqylyqtar biznesti bólshekteýge jol berip otyrǵanyn moiyndaý kerek. Bul máselege Úkimet te, depýtattar da jete mán bermegen", - dedi Memleket basshysy bul rette.
Sondai-aq Prezident taǵy da ádemi kórsetkishterge áýestenip ketýdi synǵa aldy.
"Elimizde 2 millionnan astam salyq tóleýshi, iaǵni jeke kásipkerler men zańdy tulǵalar tirkelgen desedi. Biraq olardyń qandai kásiporyndar ekenine, qalai paida bolǵanyna, qansha salyq tóleitinine, tipti ony tólep jatyr ma, joq pa degenge esh taldaý jasalmaǵan. Biraq, qur kinálaýdan is ońǵa baspaidy. Endi ahýaldy shuǵyl túzetý qajet. Úkimet pen Parlamentke aitarym – zańnamaǵa jedel túrde tiisti túzetýlerdi engizý kerek", - dedi Qasym-Jomart Toqaev.
Preziden ádil ári tiimdi salyq júiesin qurý elimizdiń bolashaǵyna, keiingi urpaqtyń turmysyna tikelei áser etetinin uǵynǵan jón ekenin aitady.
"Bilik bizneske qoldaý kórsetip keldi, kórsete de beredi. Buǵan kúmán bolmaýǵa tiis. Biraq biznestiń ózi zańdy jáne zańsyz bolady. Biz zańdy saqtaý, tártipke baǵyný kerek dep jatamyz. Endeshe Úkimettiń jáne jalpy biliktiń qoldaý sharalarynyń igiligin, birinshi kezekte, adal ári jaýapty, eń bastysy, zań aiasynda jumys isteitin kásipkerler kórýge tiis", dep jalǵastyrady óz oiyn bul rette Memleket basshysy.
Budan keiin Memleket basshysy qolǵa alynyp jatqan Salyq reformasyna da toqtala ketti.
"Úkimet salyq reformasyna qatysty jańa tásilderdi usyndy. Bul sharalar, jalpy alǵanda, durys. Onda negizgi ekonomikalyq jáne áleýmettik faktorlar eskerilgen. Kásibi mamandar da, jalpy jurtshylyq ta qosymsha qun salyǵynyń mólsherlemesin kóterý qajettigine túsinistikpen qaraidy. Degenmen usynylǵan sharalarǵa, sonyń ishinde, qosymsha qun salyǵyna qatysty syn-pikirler de estilip qalady. Biraq mundai paiym shynaiy ahýalǵa negizdelmegen", - dedi Qasym-Jomart Toqaev.
Bul rette Memleket basshysy Qazaqstannyń áleýmettik memleket ekenin kóptiń taǵy bir esine saldy.
"Túrli sebepke bailanysty ózine aýqymdy áleýmettik mindetteme almaityn elder az emes. Al Qazaqstannyń biýdjet qarjysynyń jartysynan kóbi áleýmettik salanyń enshisinde. Bizdiń elimiz – áleýmettik memleket. Sondyqtan bilim berý, densaýlyq saqtaý salalaryna investitsiia salýdy jalǵastyramyz. Bul – bizdiń konstitýtsiialyq mindetimiz. Biraq shyn muqtaj azamattarǵa ǵana kómek kórsetilýi kerek. Qyzmetin asyra paidalanýǵa, alaiaqtyqqa jol berilmeidi. Sondyqtan basymdyq berilmegen jobalarǵa bólinetin qarjy azaiady. Bul qajet shara ekeni aidan anyq. Úkimet osy jyldyń sońyna deiin ony qalai ońtailandyrý kerektigin birjola anyqtap alýǵa tiis", - deidi Memleket basshysy.
Osylai degen Prezident salyq reformasyna qatysty batyl sharalardy dál qazir qabyldaý kerektigin, áitpese, budan da zor qiyndyqqa tap bolatynymyzdy eskertti.
