Prezident Qasym-Jomart Toqaev Quryltaiǵa jańa Konstitýtsiia normalaryn eskere otyryp, qoldanystaǵy zańnamany qaita qarap, zań shyǵarý úderisiniń sapasy men turaqtylyǵyn qamtamasyz etýdi tapsyrdy, dep habarlaidy dalanews.kz.
Memleket basshysy jańa konstitýtsiialyq júiege kóshý barysynda burynǵy Parlament birqatar mańyzdy zańdardy qabyldaǵanyn atap ótti.
«BIRINShI. Jańa Konstitýtsiia normalaryn eskere otyryp, elimizdiń zańnamasyna túzetýler engizý qajet. Jańa konstitýtsiialyq júiege ótý barysynda burynǵy Parlament negizgi bilik institýttarynyń qyzmetin qamtamasyz etetin birqatar mańyzdy zańdardy qabyldady. Endi Quryltai ár salaǵa qatysty zańnamany muqiiat saralap, olardyń Konstitýtsiia qaǵidattaryna sai bolýyn qaraýy kerek», – dedi Prezident.
Toqaev Quryltaidyń aldynda turǵan ekinshi mańyzdy mindet retinde zań shyǵarý úderisiniń turaqtylyǵy men sapasyn qamtamasyz etýdi atady.
«EKINShI. Quryltai zań shyǵarý úderisiniń turaqtylyǵy men sapasyn qamtamasyz etýi kerek. Buǵan deiin Senat Májilis qabyldaǵan zańdardyń Konstitýtsiiaǵa sáikestigin, quqyqtyq turǵydan durystyǵyn, normalardyń ózara úilesimdiligin tekserip otyrdy. Bul jumysty jandandyrý qajet», – dedi Qasym-Jomart Toqaev.
