پرەزيدەنت قاسىم-جومارت توقاەۆ قۇرىلتايعا جاڭا كونستيتۋتسييا نورمالارىن ەسكەرە وتىرىپ, قولدانىستاعى زاڭنامانى قايتا قاراپ, زاڭ شىعارۋ ٷدەرٸسٸنٸڭ ساپاسى مەن تۇراقتىلىعىن قامتاماسىز ەتۋدٸ تاپسىردى, دەپ حابارلايدى dalanews.kz.
مەملەكەت باسشىسى جاڭا كونستيتۋتسييالىق جٷيەگە كٶشۋ بارىسىندا بۇرىنعى پارلامەنت بٸرقاتار ماڭىزدى زاڭداردى قابىلداعانىن اتاپ ٶتتٸ.
«بٸرٸنشٸ. جاڭا كونستيتۋتسييا نورمالارىن ەسكەرە وتىرىپ, ەلٸمٸزدٸڭ زاڭناماسىنا تٷزەتۋلەر ەنگٸزۋ قاجەت. جاڭا كونستيتۋتسييالىق جٷيەگە ٶتۋ بارىسىندا بۇرىنعى پارلامەنت نەگٸزگٸ بيلٸك ينستيتۋتتارىنىڭ قىزمەتٸن قامتاماسىز ەتەتٸن بٸرقاتار ماڭىزدى زاڭداردى قابىلدادى. ەندٸ قۇرىلتاي ەر سالاعا قاتىستى زاڭنامانى مۇقييات سارالاپ, ولاردىڭ كونستيتۋتسييا قاعيداتتارىنا ساي بولۋىن قاراۋى كەرەك», – دەدٸ پرەزيدەنت.
توقاەۆ قۇرىلتايدىڭ الدىندا تۇرعان ەكٸنشٸ ماڭىزدى مٸندەت رەتٸندە زاڭ شىعارۋ ٷدەرٸسٸنٸڭ تۇراقتىلىعى مەن ساپاسىن قامتاماسىز ەتۋدٸ اتادى.
«ەكٸنشٸ. قۇرىلتاي زاڭ شىعارۋ ٷدەرٸسٸنٸڭ تۇراقتىلىعى مەن ساپاسىن قامتاماسىز ەتۋٸ كەرەك. بۇعان دەيٸن سەنات مەجٸلٸس قابىلداعان زاڭداردىڭ كونستيتۋتسيياعا سەيكەستٸگٸن, قۇقىقتىق تۇرعىدان دۇرىستىعىن, نورمالاردىڭ ٶزارا ٷيلەسٸمدٸلٸگٸن تەكسەرٸپ وتىردى. بۇل جۇمىستى جانداندىرۋ قاجەت», – دەدٸ قاسىم-جومارت توقاەۆ.
