Búgin Prezident Qasym-Jomart Toqaev Almatyda "Qazaqstan – Qytai" investitsiialyq forýmyna qatysyp jatyr, dep habarlaidy dalanews.kz.
Jiyn bastalmas buryn forým qonaqtary Mańǵystaý oblysyndaǵy qaiǵyly oqiǵa saldarynan qaza tapqan áskeri qyzmetshilerdi bir minýt únsizdikpen eske alyp, rýhyna taǵzym etti.
Eske salsaq, qaiǵyly oqiǵa 24 qyrkúiekte Mańǵystaý oblysynda Áskeri-teńiz kúshteriniń oqý-jattyǵýy kezinde bolǵan. Sýǵa ketken 17 áskeri qyzmetshiniń 14-i qaza tapty, úsheýi qutqaryldy.
Osyǵan bailanysty 25 qyrkúiek - Qazaqstanda jalpyulttyq aza tutý kúni bolyp jariialandy.
Qaiǵyly oqiǵaǵa qatysty 12 saraptama taǵaiyndaldy. Sonymen qatar, tragediiaǵa bailanysty kúdiktiler anyqtaldy.
