Memleket basshysy Qasym-Jomart Toqaev quqyq qorǵaý organdarynyń keńeitilgen alqa májilisinde sóz sóiledi, dep habarlaidy Dalanews.kz.
"Árine, quqyq qorǵaý mekemeleriniń jumysynda eshqandai qatelik nemese jetispeýshilik joq dep aitýǵa bolmaidy. Biraq qara bultty tóndirýdiń de qajeti joq. Bárimiz bir el, bir halyq bolyp Qazaqstanymyz úshin qyzmet etip, tabandy jumys isteýimiz kerek. Bul – barshamyzǵa ortaq ulttyq paryz, azamattyq borysh. Qazaqstan qaýipsiz, zań men tártipke baǵynatyn el bolýy kerek", - dedi Prezident.
Memleket basshysy birqatar naqty tapsyrma berdi.
"Sondyqtan meniń tapsyrmam boiynsha Prezident Ákimshiligi men Qaýipsizdik keńesi bir aptanyń ishinde quqyq qorǵaý organdarynyń jumysy týraly arnaiy taldaý daiyndaýy kerek. Barlyq túitkildi ashyq túrde kórsetedi, máselelerdi sheshý joldaryn usynady. Bul – óte mańyzdy jumys, ony jalǵastyrý qajet. Túptep kelgende, bizdiń basty baǵdarymyz aiqyn. Bul – zań men tártip qaǵidaty. Qyzmetterińizge tabys tileimin!" - dedi Memleket basshysy.
