مەملەكەت باسشىسى قاسىم-جومارت توقاەۆ قۇقىق قورعاۋ ورگاندارىنىڭ كەڭەيتٸلگەن القا مەجٸلٸسٸندە سٶز سٶيلەدٸ, دەپ حابارلايدى Dalanews.kz.
"ەرينە, قۇقىق قورعاۋ مەكەمەلەرٸنٸڭ جۇمىسىندا ەشقانداي قاتەلٸك نەمەسە جەتٸسپەۋشٸلٸك جوق دەپ ايتۋعا بولمايدى. بٸراق قارا بۇلتتى تٶندٸرۋدٸڭ دە قاجەتٸ جوق. بەرٸمٸز بٸر ەل, بٸر حالىق بولىپ قازاقستانىمىز ٷشٸن قىزمەت ەتٸپ, تاباندى جۇمىس ٸستەۋٸمٸز كەرەك. بۇل – بارشامىزعا ورتاق ۇلتتىق پارىز, ازاماتتىق بورىش. قازاقستان قاۋٸپسٸز, زاڭ مەن تەرتٸپكە باعىناتىن ەل بولۋى كەرەك", - دەدٸ پرەزيدەنت.
مەملەكەت باسشىسى بٸرقاتار ناقتى تاپسىرما بەردٸ.
"سوندىقتان مەنٸڭ تاپسىرمام بويىنشا پرەزيدەنت ەكٸمشٸلٸگٸ مەن قاۋٸپسٸزدٸك كەڭەسٸ بٸر اپتانىڭ ٸشٸندە قۇقىق قورعاۋ ورگاندارىنىڭ جۇمىسى تۋرالى ارنايى تالداۋ دايىنداۋى كەرەك. بارلىق تٷيتكٸلدٸ اشىق تٷردە كٶرسەتەدٸ, مەسەلەلەردٸ شەشۋ جولدارىن ۇسىنادى. بۇل – ٶتە ماڭىزدى جۇمىس, ونى جالعاستىرۋ قاجەت. تٷپتەپ كەلگەندە, بٸزدٸڭ باستى باعدارىمىز ايقىن. بۇل – زاڭ مەن تەرتٸپ قاعيداتى. قىزمەتتەرٸڭٸزگە تابىس تٸلەيمٸن!" - دەدٸ مەملەكەت باسشىسى.
