QR Prezidenti Ákimshiliginiń qoǵamdyq qabyldaýynda qazaqstandyqtardyń jekelegen sanattaryna berilgen qaryzdar boiynsha qaryzdardy esepten shyǵarý týraly aqparat jariialandy, dep habarlaidy Dalanews.kz.
QR PÁ ótinishterdi qaraýdy baqylaý bólimine qiyn jaǵdaiǵa tap bolǵan azamattar úshin nesie boiynsha qaryzdyq júktemeni tómendetý týraly ótinishter túsip jatyr. Osyǵan bailanysty, Memleket basshysynyń tapsyrmasy boiynsha, 2019 jyly bul shara bir rettik negizde ótkizilgenin habarlaimyz, - delingen QR PÁ Qoǵamdyq qabyldaý komissiiasynyń telegram-kanalynda.
Nesielik qaryzdardy keshirý boiynsha ótkizilgen sońǵy aqtsiia tek kelesi sharttardy eskere otyryp qaralǵan bolatyn:
- kóp balaly otbasylar, asyraýshysynan airylýyna bailanysty tólemder alatyn otbasylar, múgedek balalary bar otbasylar, 18 jastan asqan múgedekter, memlekettik ataýly áleýmettik kómek alýshylar; jetim balalar, ata-anasynyń qamqorlyǵynsyz qalǵan, jiyrma toǵyz jasqa tolmaǵan, kámeletke tolmai jatyp ata-anasynan aiyrylǵan balalar;
- nesie boiynsha jalpy qaryzy 2019 jylǵy 1 maýsymdaǵy jaǵdai boiynsha 3 million teńgeden aspaityndar;
- negizgi borysh pen oǵan eseptelgen paiyzdardan turatyn qaitarylatyn qaryz somasy 2019 jyldyń 1 maýsymyndaǵy jaǵdai boiynsha bir qaryz alýshyǵa 300 myń teńgeden aspaityndar.
Atalǵan naýqan 2019 jyly aiaqtaldy, onyń nátijesi boiynsha 554 myń adamǵa kepilsiz tutynýshylyq nesieler boiynsha jalpy 115 mlrd teńge keshirildi. Jaqyn arada mundai aktsiiany taǵy qaitalaý josparlanbaǵan, - delinedi.
