ق ر پرەزيدەنتى اكىمشىلىگىنىڭ قوعامدىق قابىلداۋىندا قازاقستاندىقتاردىڭ جەكەلەگەن ساناتتارىنا بەرىلگەن قارىزدار بويىنشا قارىزداردى ەسەپتەن شىعارۋ تۋرالى اقپارات جاريالاندى، دەپ حابارلايدى Dalanews.kz.
ق ر ءپا وتىنىشتەردى قاراۋدى باقىلاۋ بولىمىنە قيىن جاعدايعا تاپ بولعان ازاماتتار ءۇشىن نەسيە بويىنشا قارىزدىق جۇكتەمەنى تومەندەتۋ تۋرالى وتىنىشتەر ءتۇسىپ جاتىر. وسىعان بايلانىستى، مەملەكەت باسشىسىنىڭ تاپسىرماسى بويىنشا، 2019 جىلى بۇل شارا ءبىر رەتتىك نەگىزدە وتكىزىلگەنىن حابارلايمىز، - دەلىنگەن ق ر ءپا قوعامدىق قابىلداۋ كوميسسياسىنىڭ تەلەگرام-كانالىندا.
نەسيەلىك قارىزداردى كەشىرۋ بويىنشا وتكىزىلگەن سوڭعى اقسيا تەك كەلەسى شارتتاردى ەسكەرە وتىرىپ قارالعان بولاتىن:
- كوپ بالالى وتباسىلار، اسىراۋشىسىنان ايرىلۋىنا بايلانىستى تولەمدەر الاتىن وتباسىلار، مۇگەدەك بالالارى بار وتباسىلار، 18 جاستان اسقان مۇگەدەكتەر، مەملەكەتتىك اتاۋلى الەۋمەتتىك كومەك الۋشىلار؛ جەتىم بالالار، اتا-اناسىنىڭ قامقورلىعىنسىز قالعان، جيىرما توعىز جاسقا تولماعان، كامەلەتكە تولماي جاتىپ اتا-اناسىنان ايىرىلعان بالالار؛
- نەسيە بويىنشا جالپى قارىزى 2019 جىلعى 1 ماۋسىمداعى جاعداي بويىنشا 3 ميلليون تەڭگەدەن اسپايتىندار؛
- نەگىزگى بورىش پەن وعان ەسەپتەلگەن پايىزداردان تۇراتىن قايتارىلاتىن قارىز سوماسى 2019 جىلدىڭ 1 ماۋسىمىنداعى جاعداي بويىنشا ءبىر قارىز الۋشىعا 300 مىڭ تەڭگەدەن اسپايتىندار.
اتالعان ناۋقان 2019 جىلى اياقتالدى، ونىڭ ناتيجەسى بويىنشا 554 مىڭ ادامعا كەپىلسىز تۇتىنۋشىلىق نەسيەلەر بويىنشا جالپى 115 ملرد تەڭگە كەشىرىلدى. جاقىن ارادا مۇنداي اكسيانى تاعى قايتالاۋ جوسپارلانباعان، - دەلىنەدى.
