Koronavirýstyń jańa tolqyny eń joiqyn bolyp otyr. Sońǵy kúnderi júzdegen azamatymyzdan aiyrylyp qaldyq. Ár óńirde aýrýhanaǵa túsken naýqastardyń sany kúrt kóbeidi. Jansaqtaý bólimderiniń barlyǵy iske qosyldy. Qosymsha dári-dármek pen qural-jabdyq satyp alyndy, - dedi Prezident búgingi jiynda.
Sondyqtan, onyń aitýynsha, árbir adam óz densaýlyǵyna jaýapkershilikpen qaraýy kerek.
Elimizdiń ár azamatyna aitarym: densaýlyqty saqtańyzdar, týǵan-týystyń, otbasynyń amandyǵyn oilańyzdar! Al, Úkimet pen óńir basshylary belgilengen mindetterdiń bárin minsiz atqarýǵa tiis, - dedi Toqaev.
Prezident Úkimetke eldegi epidemiologiialyq jaǵdaidy jaqsartý úshin bir ai ýaqyt berdi.
"Búgingi kóterilgen máselelerdiń barlyǵy Úkimettiń erekshe baqylaýynda bolýy kerek. Bizge naqty operatsiialyq jospar qajet. Sizderden bir ai ishinde qabyldanǵan sharalar týraly esep berýlerińizdi suraimyn", - dedi Memleket basshysy elimizdegi koronavirýs infektsiiasy boiynsha epidemiologiialyq ahýalǵa arnalǵan keńeste.
