كوروناۆيرۋستىڭ جاڭا تولقىنى ەڭ جويقىن بولىپ وتىر. سوڭعى كۇندەرى جۇزدەگەن ازاماتىمىزدان ايىرىلىپ قالدىق. ءار وڭىردە اۋرۋحاناعا تۇسكەن ناۋقاستاردىڭ سانى كۇرت كوبەيدى. جانساقتاۋ بولىمدەرىنىڭ بارلىعى ىسكە قوسىلدى. قوسىمشا دارى-دارمەك پەن قۇرال-جابدىق ساتىپ الىندى، - دەدى پرەزيدەنت بۇگىنگى جيىندا.
سوندىقتان، ونىڭ ايتۋىنشا، ءاربىر ادام ءوز دەنساۋلىعىنا جاۋاپكەرشىلىكپەن قاراۋى كەرەك.
ەلىمىزدىڭ ءار ازاماتىنا ايتارىم: دەنساۋلىقتى ساقتاڭىزدار، تۋعان-تۋىستىڭ، وتباسىنىڭ اماندىعىن ويلاڭىزدار! ال، ۇكىمەت پەن ءوڭىر باسشىلارى بەلگىلەنگەن مىندەتتەردىڭ ءبارىن ءمىنسىز اتقارۋعا ءتيىس، - دەدى توقايەۆ.
پرەزيدەنت ۇكىمەتكە ەلدەگى ەپيدەميولوگيالىق جاعدايدى جاقسارتۋ ءۇشىن ءبىر اي ۋاقىت بەردى.
"بۇگىنگى كوتەرىلگەن ماسەلەلەردىڭ بارلىعى ۇكىمەتتىڭ ەرەكشە باقىلاۋىندا بولۋى كەرەك. بىزگە ناقتى وپەراسيالىق جوسپار قاجەت. سىزدەردەن ءبىر اي ىشىندە قابىلدانعان شارالار تۋرالى ەسەپ بەرۋلەرىڭىزدى سۇرايمىن"، - دەدى مەملەكەت باسشىسى ەلىمىزدەگى كوروناۆيرۋس ينفەكسياسى بويىنشا ەپيدەميولوگيالىق احۋالعا ارنالعان كەڭەستە.
