Búgin Atyraý qalasynda ótip jatqan úshinshi Ulttyq quryltaida Prezident Qasym-Jomart Toqaev Kórisý kúniniń mereke emes ekenin alǵa tartty, dep habarlaidy Dalanews.kz.
Ol aldymen kópshilikti Kórisý kúnimen quttyqtap,qystan aman-esen shyqqan týǵan-týys, aǵaiyn bir-birimen qaýyshyp jatqanyn atap ótti.
"El arasynda Kórisý kúni elimizdiń batys aimaǵyna tán mereke degen túsinik bar. Biraq bul qazaqtyń kóneden kele jatqan dástúri ekenin umytpaýymyz kerek. Sondyqtan biz tutas el bolyp, Naýryz meiramyn osy kúnnen, iaǵni Kórisý kúninen bastap toilaǵanymyz jarasymdy bolary sózsiz", - dedi Memleket basshysy.
Toqaev biyl Ulystyń uly kúni qasietti Oraza aiynyń alǵashqy kúnderimen tuspa-tus kelgenin eske saldy. Ulttyq Quryltai da Áz Naýryz qarsańynda ótip jatyr.
"Ulystyń uly kúni tabiǵat pen tutas tirshilik jańarady. Al Quryltaida qoǵamdyq qundylyqtardy jańǵyrtý úshin mańyzdy qadamdar jasalady. Jańarý men jańǵyrý jaqsylyqqa jol ashady. Sondyqtan Quryltai músheleriniń jylyna bir ret alqaly jiynda bas qosýy igi dástúrge ainaldy", - dedi Prezident.
