Memleket basshysy Qasym-Jomart Toqaev ǵalymdardy marapattaý rásiminde sóz sóiledi, dep habarlaidy Dalanews.kz.
Prezidenttiń aitýynsha, zań men tártip ideologiiasy kúndelikti ómirdiń barlyq salasynda qatań saqtalýǵa tiis.
"Osy tusta myna bir asa mańyzdy máseleni qaita atap ótkim keledi: qoǵamda zań ústemdigi qaǵidatyn, iaǵni zańǵa baǵyný mádenietin túbegeili ornyqtyrýymyz qajet. Zań men tártip ideologiiasy kúndelikti ómirdiń barlyq salasynda qatań saqtalýǵa tiis: qoǵamdyq oryndaǵy júris-turys mádenietinen, onyń ishinde jiyn-toilardan, turmystyq mádenietten bastap, jolda kólik júrgizý mádenietine deiin osy myzǵymas qaǵidatqa sai bolýy kerek. Buǵan deiin de óz sózderimde jol qaýipsizdigi máselesine arnaiy toqtaldym. Ókinishke qarai, Qazaqstanda jyl saiyn kólik apatynyń kesirinen, sonyń ishinde kóp jaǵdaida jol qozǵalysy erejesin óreskel buzýdyń saldarynan myńdaǵan adam kóz jumady. Buǵan jol berýge bolmaidy. Buryn elimizde kólik apatynyń kóptigine joldyń nasharlyǵyn jeleý qylatyn. Keiingi birneshe jylda barlyq óńirdegi jol infraqurylymyn aýqymdy túrde jańǵyrtýdy qolǵa aldyq", - dedi Toqaev.
Desek te, Qasym-Jomart Toqaevtyń pikirinshe, qaiǵyly oqiǵa azaimai tur, bul jaǵdaiǵa Úkimet pen qoǵam jiti nazar aýdarýy kerek.
"Azamattar bekitilgen erejelerdiń bárin múltiksiz saqtaityn kólik júrgizý mádenietin qalyptastyrǵany durys. Politseilermen tájikelesý, tipti olarǵa shabýyl jasaý derekterin tyiý qajet. Mundai jaǵdailarǵa, sondai-aq, quqyqtyq nigilizm dertine shaldyqqan adamdardy, basqasha aitqanda, sotqarlar men buzaqylardy "qaharman" jasaýǵa zań aiasynda qatań shara qoldaný kerek. Órkenietti ult bolǵymyz kelse, politseilerdiń, dárigerlerdiń, muǵalimder men qyzmet kórsetý salasy mamandarynyń, jalpy adal ári zańǵa baǵynatyn azamattardyń ar-namysyna tietin kez kelgen áreketke batyl túrde tosqaýyl qoiýymyz qajet", - dedi Toqaev.
