Sonymen qatar, Aqordanyń habarlamasynda atap kórsetilgendei, jaqynda elordalyq meiramhanalardyń birinde oryn alǵan atyshýly kisi ólimine bailanysty prezident Ishki ister ministrligi basshylyǵyna bul isti erekshe baqylaýda ustaýdy tapsyrdy.
«Zań barlyǵyna birdei bolýy kerek. Qoǵamdaǵy ádilettilik – zańdylyqty nyǵaitý jolyndaǵy azamattardyń yntymaqtastyǵynan bastalady. Ádil Qazaqstan – zańdylyq pen tártip ornaǵan el», - dep atap ótti Memleket basshysy.
Prezident zańdylyqty saqtaý, azamattardyń quqyqtyq sanasy men quqyqtyq mádenietiniń deńgeiin arttyrý máselelerine de erekshe nazar aýdardy.
Onyń aitýynsha, qazirgi jaǵdai quqyq buzýshylyqtyń barlyq túrine: kóshedegi mádenietsizdikten bastap tóbeleske, urlyq pen kisi óltirýge deiin ymyrasyz kózqarasty talap etedi.
Aita ketelik, 2023 jyly 9 qarashada eks-ministr Qýandyq Bishimbaevty Astanadaǵy meiramhanalardyń birinde áielin óltirdi degen kúdikpen politsiia ustady. Kelesi kúni, 2023 jyldyń 10 qarashasynda Ishki ister ministrligi Bishimbaevtyń ustalýyna qatysty túsinikteme berdi.
Ishki ister vitse-ministri Sáken Sársenov Bishimbaevtyń shynymen de ustalǵanyn rastady. Dese de, burynǵy ministrdiń esirtki nemese alkogoldik masań kúide bolǵany týraly qaýesetterge qatysty pikir bildirýden bas tartty.
11 qarashada Astana soty Bishimbaevtyń eki aiǵa qamaýǵa alynǵanyn atap ótti. 12 qarashada Astana politsiia departamentiniń baspasóz qyzmeti qaiǵyly oqiǵa oryn alǵan meiramhana direktory Qýandyq Bishimbaevtyń áielin óltirýge qatysy bar degen kúdikpen ustalǵanyn habarlady. 14 qarashada ol eki aiǵa qamaýǵa alyndy.
Aita ketelik, buǵan deiin DALA INSIDE telegram arnasy "Bishimbaevty bosatýǵa Nazarbaevtyń tikelei atsalysqanyn" jazǵan. Tolyǵyraq: https://t.me/dalainside/1573
https://dalanews.kz/bas-takyryp/95227-nazarbaeva-nygmatulin-tandemi-zhurna
