سونىمەن قاتار، اقوردانىڭ حابارلاماسىندا اتاپ كورسەتىلگەندەي، جاقىندا ەلوردالىق مەيرامحانالاردىڭ بىرىندە ورىن العان اتىشۋلى كىسى ولىمىنە بايلانىستى پرەزيدەنت ىشكى ىستەر مينيسترلىگى باسشىلىعىنا بۇل ءىستى ەرەكشە باقىلاۋدا ۇستاۋدى تاپسىردى.
«زاڭ بارلىعىنا بىردەي بولۋى كەرەك. قوعامداعى ادىلەتتىلىك – زاڭدىلىقتى نىعايتۋ جولىنداعى ازاماتتاردىڭ ىنتىماقتاستىعىنان باستالادى. ءادىل قازاقستان – زاڭدىلىق پەن ءتارتىپ ورناعان ەل»، - دەپ اتاپ ءوتتى مەملەكەت باسشىسى.
پرەزيدەنت زاڭدىلىقتى ساقتاۋ، ازاماتتاردىڭ قۇقىقتىق ساناسى مەن قۇقىقتىق مادەنيەتىنىڭ دەڭگەيىن ارتتىرۋ ماسەلەلەرىنە دە ەرەكشە نازار اۋداردى.
ونىڭ ايتۋىنشا، قازىرگى جاعداي قۇقىق بۇزۋشىلىقتىڭ بارلىق تۇرىنە: كوشەدەگى مادەنيەتسىزدىكتەن باستاپ توبەلەسكە، ۇرلىق پەن كىسى ولتىرۋگە دەيىن ىمىراسىز كوزقاراستى تالاپ ەتەدى.
ايتا كەتەلىك، 2023 جىلى 9 قاراشادا ەكس-مينيستر قۋاندىق بيشىمبايەۆتى استاناداعى مەيرامحانالاردىڭ بىرىندە ايەلىن ءولتىردى دەگەن كۇدىكپەن پوليسيا ۇستادى. كەلەسى كۇنى، 2023 جىلدىڭ 10 قاراشاسىندا ىشكى ىستەر مينيسترلىگى بيشىمبايەۆتىڭ ۇستالۋىنا قاتىستى تۇسىنىكتەمە بەردى.
ىشكى ىستەر ۆيسە-مينيسترى ساكەن سارسەنوۆ بيشىمبايەۆتىڭ شىنىمەن دە ۇستالعانىن راستادى. دەسە دە، بۇرىنعى ءمينيستردىڭ ەسىرتكى نەمەسە الكوگولدىك ماساڭ كۇيدە بولعانى تۋرالى قاۋەسەتتەرگە قاتىستى پىكىر بىلدىرۋدەن باس تارتتى.
11 قاراشادا استانا سوتى بيشىمبايەۆتىڭ ەكى ايعا قاماۋعا الىنعانىن اتاپ ءوتتى. 12 قاراشادا استانا پوليسيا دەپارتامەنتىنىڭ باسپا ءسوز قىزمەتى قايعىلى وقيعا ورىن العان مەيرامحانا ديرەكتورى قۋاندىق بيشىمبايەۆتىڭ ايەلىن ولتىرۋگە قاتىسى بار دەگەن كۇدىكپەن ۇستالعانىن حابارلادى. 14 قاراشادا ول ەكى ايعا قاماۋعا الىندى.
ايتا كەتەلىك، بۇعان دەيىن DALA INSIDE تەلەگرام ارناسى "بيشىمبايەۆتى بوساتۋعا نازاربايەۆتىڭ تىكەلەي اتسالىسقانىن" جازعان. تولىعىراق: https://t.me/dalainside/1573
https://dalanews.kz/bas-takyryp/95227-nazarbaeva-nygmatulin-tandemi-zhurna
