«Aýǵanstandaǵy etnıkalyq qazaqtardyń ótinishterine baılanysty Memleket basshysy Qasym-Jomart Toqaev Syrtqy ister mınıstrligine olardyń qaýipsizdigin qamtamasyz etýmen, qajet bolǵan jaǵdaıda tarıhı otanyna qaıtarý máselesi boıynsha barynsha kómek kórsetýdi tapsyrdy», – dedi Aıbek Smadıarov tilshilerge bergen suhbatynda.
Onyń aıtýynsha, etnıkalyq qazaqtar máselesi Qazaqstannyń Aýǵanstandaǵy elshiliginiń erekshe baqylaýynda.
«Bizde bar málimetterge sáıkes, Aýǵanstan aýmaǵynda 15-ke jýyq etnıkalyq qazaqtardyń otbasy turady. Naqtyraq, 200-ge jýyq etnıkalyq qazaq.
Keıbir BAQ Aýǵanstanda birneshe myń etnıkalyq qazaqtardyń turatyny týraly tekserilmegen aqparat taratty. Bul shyndyqqa sáıkes kelmeıdi.
Osyǵan baılanysty aqparatty muqıat qaıta tekserýdi jáne qajetsiz dúrliktirmeýdi suraımyz. Biz tıisti jumys júrgizip jatyrmyz jáne Aýǵanstandaǵy qazaqtarmen turaqty baılanystamyz», – deıdi ol.
Ázir ǵana...
Dalanews.kz tilshisi Memleket basshysy Qasym-Jomart Toqaevtyń tapsyrmasy boıynsha QR Qorǵanys mınıstrligine qarasty S-295 áskerı-júk tasymaldaýshy ushaǵy Aýǵanstannan 42 azamatty alyp, Almatynyń áýejaıyna aman-esen qonǵanyn habarlady.
"Jolaýshylardyń arasynda 15 jasóspirim men 10 bala bar. Qalǵandary beıbit turǵyndar. Bireýler aıtqandaı bóten oıly adamdar emes.
Osy rette Qazaqstan sarbazdary Aýǵanstannan Reseı men Lıtvanyń bir azamatyn Aýǵanstannan alyp shyqqanyn aıta ketýimiz kerek. Qazirgi tańda qos eldiń azamaty óz eliniń elshilikterine habarlasyp, kómek kútýde. Osylaısha bizdiń sarbazdar ózderine tapsyrylǵan mindetti minsiz oryndap shyqty", – deıdi saıt tilshisi Nurlan Jumahan.
