«اۋعانستانداعى ەتنيكالىق قازاقتاردىڭ وتىنىشتەرىنە بايلانىستى مەملەكەت باسشىسى قاسىم-جومارت توقايەۆ سىرتقى ىستەر مينيسترلىگىنە ولاردىڭ قاۋىپسىزدىگىن قامتاماسىز ەتۋمەن، قاجەت بولعان جاعدايدا تاريحي وتانىنا قايتارۋ ماسەلەسى بويىنشا بارىنشا كومەك كورسەتۋدى تاپسىردى»، – دەدى ايبەك سمادياروۆ تىلشىلەرگە بەرگەن سۇحباتىندا.
ونىڭ ايتۋىنشا، ەتنيكالىق قازاقتار ماسەلەسى قازاقستاننىڭ اۋعانستانداعى ەلشىلىگىنىڭ ەرەكشە باقىلاۋىندا.
«بىزدە بار مالىمەتتەرگە سايكەس، اۋعانستان اۋماعىندا 15-كە جۋىق ەتنيكالىق قازاقتاردىڭ وتباسى تۇرادى. ناقتىراق، 200-گە جۋىق ەتنيكالىق قازاق.
كەيبىر ب ا ق اۋعانستاندا بىرنەشە مىڭ ەتنيكالىق قازاقتاردىڭ تۇراتىنى تۋرالى تەكسەرىلمەگەن اقپارات تاراتتى. بۇل شىندىققا سايكەس كەلمەيدى.
وسىعان بايلانىستى اقپاراتتى مۇقيات قايتا تەكسەرۋدى جانە قاجەتسىز دۇرلىكتىرمەۋدى سۇرايمىز. ءبىز ءتيىستى جۇمىس جۇرگىزىپ جاتىرمىز جانە اۋعانستانداعى قازاقتارمەن تۇراقتى بايلانىستامىز»، – دەيدى ول.
ءازىر عانا...
Dalanews.kz ءتىلشىسى مەملەكەت باسشىسى قاسىم-جومارت توقايەۆتىڭ تاپسىرماسى بويىنشا ق ر قورعانىس مينيسترلىگىنە قاراستى س-295 اسكەري-جۇك تاسىمالداۋشى ۇشاعى اۋعانستاننان 42 ازاماتتى الىپ، الماتىنىڭ اۋەجايىنا امان-ەسەن قونعانىن حابارلادى.
"جولاۋشىلاردىڭ اراسىندا 15 ءجاسوسپىرىم مەن 10 بالا بار. قالعاندارى بەيبىت تۇرعىندار. بىرەۋلەر ايتقانداي بوتەن ويلى ادامدار ەمەس.
وسى رەتتە قازاقستان ساربازدارى اۋعانستاننان رەسەي مەن ليتۆانىڭ ءبىر ازاماتىن اۋعانستاننان الىپ شىققانىن ايتا كەتۋىمىز كەرەك. قازىرگى تاڭدا قوس ەلدىڭ ازاماتى ءوز ەلىنىڭ ەلشىلىكتەرىنە حابارلاسىپ، كومەك كۇتۋدە. وسىلايشا ءبىزدىڭ ساربازدار وزدەرىنە تاپسىرىلعان مىندەتتى ءمىنسىز ورىنداپ شىقتى"، – دەيدى سايت ءتىلشىسى نۇرلان جۇماحان.
