2025 jyly 19 naýryzda AQSh dollaryna shaqqqanda túrik lirasynyń quny eń tómengi rekordtyq deńgeige deiin quldyrady. Bul quldyraý Ystambul meri, oppozitsiia kóshbasshysy Ekrem Imamoǵlýdyń qamaýǵa alynýynan keiin bastaldy. Al Borsa Istanbul qorynyń ashylý kezinde bazalyq indeks 6,9%-ǵa tómendep, saýda-sattyq kilt toqtady. Eldiń 10 jyldyq táýelsiz obligatsiialarynyń quny da quldyrai jóneldi. Ásirese, mundaidy kútpegen sheteldik investorlar shyndap abdyrap qaldy. Al Erdoǵannyń miting ótkizýge salǵan tyiymyna qaramastan búgin Ystambul kósheleri adamdarǵa lyq toldy. Qala meri ǵimaraty aldynda jinalǵandarǵa respýblikalyq halyq partiiasynyń kóshbasshysy Ózgiýr Ózel: "Myna bolǵan jaǵdai – tóńkeris jasaýǵa árekettený" dep málimdep, qarashany sabyrǵa shaqyrdy, dep habarlaidy Dalanews.kz.
RBK málimetteri boiynsha, sársenbide Forex halyqaralyq naryǵynda túrik aqshasyna shaqqanda 1 AQSh dollary 11,99%-ǵa qymbattap, 41,1 lira boldy. Osylaisha Túrkiia tarihynda amerikalyq valiýta baǵamy alǵash ret 40 liradan asqan.
Bloomberg málimetinshe, túrik lirasy men aktsiialarynyń baǵasy Ystambul meri, prezident Rejep Taiyp Erdoǵannyń basty qarsylasy Ekrem Imamoǵlý qamaýǵa alynǵannan keiin kúrt tómendedi. Basylym saiasi oqiǵalar túrik aktsiialaryna qysym jasai alatynyn naqtylaidy, óitkeni eldiń qor naryǵynda, negizinen, qubylmalylyq kezeńderinde belsendi áreket etetin ishki investorlar basym. Túrik baǵaly qaǵazdar depozitariiiniń veb-saityndaǵy málimetterge sáikes, jergilikti investorlar túrik aktsiialarynyń shamamen 62,5%-yna ie.
"Saiasi oqiǵalar álemdik investorlardy da abdyratyp tastady, olar, negizinen, Túrkiiaǵa oń kózqaraspen qaraityn, ekonomikalyq turǵyda táýelsiz ári AQSh-pen saýda-sattyqtaǵy shielenisterden oqshaý dep paiymdaityn", - dep jazady basylym.
Aita ketsek, Ystambul meri Ekrem Imamoǵlý men onyń BAQ-pen bailanysty keńesshisi Murat Ongýn 19 naýryzda arnaiy operatsiia barysynda ustalyp, sotqa jetkizildi. Is boiynsha sotqa barlyǵy 100 kúdikti tartylǵan. Osydan keiin el ishinde áleýmettik jelilerdiń jumysy shekteldi. Sonymen qatar, merdiń ustalýyna bailanysty Ystambulda 23 naýryzǵa deiin demonstratsiialar men mitingiler ótkizýge tyiym salyndy.
Negizi, aldaǵy jeksenbide Respýblikalyq halyq partiiasynyń sezinde Imamoǵlý 2028 jylǵy prezidenttik sailaýda oppozitsiia atynan túsetin kandidat retinde jariialanady dep kútilgen eken. Al prezidenttik sailaýdyń merziminen buryn, iaǵni 2027 jyldyń qarashasynda ótýi de múmkin ekendigi týraly da sybys bar.
