– Qoldan balyq ósirý ońai sharýa emes. Sebebi balyqty der kezinde jemdep, sýdyń deńgeiin qadaǵalap otyrý qajet. Balyq ósirýdi osydan 4 jyl buryn joldasym bastaǵan edi. Men joldasymnyń amanatyn jalǵastyrýdamyn. Ózen men tushy sý qoimalarynyń balyqtarynda iod, brom men D dárýmeni birshama az, biraq onda aqýyz jetkilikti mólsherde bolady. Etke qaraǵanda balyq aqýyzynda metionin syndy mańyzdy aminqyshqyly bolady. Balyq aqýyzy aǵzaǵa tez sińedi.
Sondyqtan ony asqazan aýrýlarynyń aldyn alý úshin paidalanýǵa bolady. Balyq quramyndaǵy iod pen ftor endokrindi júie aýrýlaryn emdeýge yqpal etedi.
Úi sharýasynda ony jemdep, kútip, qaraǵandyqtan bolar, balyqtardyń salmaǵy da jaqsy. Kúzdiń kúni eki basseindi biriktirip, balyqtardy satylymǵa shyǵarýdy kózdep otyrmyn. Keiinnen bosaǵan basseinderge jańa shabaq alyp, ósiremin, – dedi kásipker.
