Tólebı aýdany Alataý aýyldyq okrýgi Qosaǵash eldi mekeniniń turǵyny Álıma Temirbekova óz aýlasynda balyq ósirý sharýashylyǵyn qolǵa alǵan. Kásipker aýlasynan shaǵyn baseın jasap, onda balyqtyń sazan jáne marınka túrlerin ósirýde. Balyqty shabaq kezinen kútip baptaǵan Álıma Temirbekovanyń tuqymbaǵynda búginde 9000-nan astam irili-usaqty balyq bar, – dep habarlaıdy Dalanews.kz Túrkistan oblysynyń Óńirlik komýnıkasıalar qyzmetine silteme jasap.

– Qoldan balyq ósirý ońaı sharýa emes. Sebebi balyqty der kezinde jemdep, sýdyń deńgeıin qadaǵalap otyrý qajet. Balyq ósirýdi osydan 4 jyl buryn joldasym bastaǵan edi. Men joldasymnyń amanatyn jalǵastyrýdamyn. Ózen men tushshy sý qoımalarynyń balyqtarynda ıod, brom men D dárýmeni birshama az, biraq onda aqýyz jetkilikti mólsherde bolady. Etke qaraǵanda balyq aqýyzynda metıonın syndy mańyzdy amınqyshqyly bolady. Balyq aqýyzy aǵzaǵa tez sińedi.



Sondyqtan ony asqazan aýrýlarynyń aldyn alý úshin paıdalanýǵa bolady. Balyq quramyndaǵy ıod pen ftor endokrındi júıe aýrýlaryn emdeýge yqpal etedi.

Úı sharýasynda ony jemdep, kútip, qaraǵandyqtan bolar, balyqtardyń salmaǵy da jaqsy. Kúzdiń kúni eki baseındi biriktirip, balyqtardy satylymǵa shyǵarýdy kózdep otyrmyn. Keıinnen bosaǵan baseınderge jańa shabaq alyp, ósiremin, – dedi kásipker.