– قولدان بالىق ٶسٸرۋ وڭاي شارۋا ەمەس. سەبەبٸ بالىقتى دەر كەزٸندە جەمدەپ, سۋدىڭ دەڭگەيٸن قاداعالاپ وتىرۋ قاجەت. بالىق ٶسٸرۋدٸ وسىدان 4 جىل بۇرىن جولداسىم باستاعان ەدٸ. مەن جولداسىمنىڭ اماناتىن جالعاستىرۋدامىن. ٶزەن مەن تۇششى سۋ قويمالارىنىڭ بالىقتارىندا يود, بروم مەن D دەرۋمەنٸ بٸرشاما از, بٸراق وندا اقۋىز جەتكٸلٸكتٸ مٶلشەردە بولادى. ەتكە قاراعاندا بالىق اقۋىزىندا مەتيونين سىندى ماڭىزدى امينقىشقىلى بولادى. بالىق اقۋىزى اعزاعا تەز سٸڭەدٸ.
سوندىقتان ونى اسقازان اۋرۋلارىنىڭ الدىن الۋ ٷشٸن پايدالانۋعا بولادى. بالىق قۇرامىنداعى يود پەن فتور ەندوكريندٸ جٷيە اۋرۋلارىن ەمدەۋگە ىقپال ەتەدٸ.
ٷي شارۋاسىندا ونى جەمدەپ, كٷتٸپ, قاراعاندىقتان بولار, بالىقتاردىڭ سالماعى دا جاقسى. كٷزدٸڭ كٷنٸ ەكٸ باسسەيندٸ بٸرٸكتٸرٸپ, بالىقتاردى ساتىلىمعا شىعارۋدى كٶزدەپ وتىرمىن. كەيٸننەن بوساعان باسسەيندەرگە جاڭا شاباق الىپ, ٶسٸرەمٸن, – دەدٸ كەسٸپكەر.
