Tólebi aýdany turǵyndary jeńildetilgen nesie alyp, kásibin keńeitýde
Tólebi aýdanyna qarasty Beinetkesh eldi mekeniniń turǵyny Qali Tajikýlov «Yrys» MKU-nan jeńildetilgen 6,5%-ben nesie alyp, jylqy sanyn kóbeitip otyr.
Aýyldaǵy turǵyn úi aýlasynan jylqy ósirýge qajetti qora, jem-shópti daiyndaǵan jeke kásipker qarjy uiymy arqyly 27 mln. teńgege 54 bas jylqy malyn alyp, bordaqylaýmen ainalysyp júr.
Bie saýyp, qymyz baptap, sharýasyn dóńgeletip júrgen sharýanyń shaǵyn kásibimen tanysqan aýdan ákimi Tólegen Telǵaraev pen aýdandyq máslihat tóraǵasy Nurlan Qoibaǵarov memleket tarapynan beriletin jeńildikter jóninde maǵlumat berdi. Jumysyna sáttilik tiledi.
Jeke kásipker ata-baba kásibin jalǵastyryp, mal sharýashylyǵynyń paidasy arqyly ony otbasylyq bizneske ainaldyrǵanyn aitty. Aýdan basshysy kásibin násibi etip, aimaqtyń ekonomikasyna súbeli úles qosýǵa atsalysyp jatqan jeke kásipkerdiń isine tabys tiledi.
