تٶلەبي اۋدانى تۇرعىندارى جەڭٸلدەتٸلگەن نەسيە الىپ, كەسٸبٸن كەڭەيتۋدە
تٶلەبي اۋدانىنا قاراستى بەينەتكەش ەلدٸ مەكەنٸنٸڭ تۇرعىنى قالي تاجيكۋلوۆ «ىرىس» مكۇ-نان جەڭٸلدەتٸلگەن 6,5%-بەن نەسيە الىپ, جىلقى سانىن كٶبەيتٸپ وتىر.
اۋىلداعى تۇرعىن ٷي اۋلاسىنان جىلقى ٶسٸرۋگە قاجەتتٸ قورا, جەم-شٶپتٸ دايىنداعان جەكە كەسٸپكەر قارجى ۇيىمى ارقىلى 27 ملن. تەڭگەگە 54 باس جىلقى مالىن الىپ, بورداقىلاۋمەن اينالىسىپ جٷر.
بيە ساۋىپ, قىمىز باپتاپ, شارۋاسىن دٶڭگەلەتٸپ جٷرگەن شارۋانىڭ شاعىن كەسٸبٸمەن تانىسقان اۋدان ەكٸمٸ تٶلەگەن تەلعاراەۆ پەن اۋداندىق مەسليحات تٶراعاسى نۇرلان قويباعاروۆ مەملەكەت تاراپىنان بەرٸلەتٸن جەڭٸلدٸكتەر جٶنٸندە ماعلۇمات بەردٸ. جۇمىسىنا سەتتٸلٸك تٸلەدٸ.
جەكە كەسٸپكەر اتا-بابا كەسٸبٸن جالعاستىرىپ, مال شارۋاشىلىعىنىڭ پايداسى ارقىلى ونى وتباسىلىق بيزنەسكە اينالدىرعانىن ايتتى. اۋدان باسشىسى كەسٸبٸن نەسٸبٸ ەتٸپ, ايماقتىڭ ەكونوميكاسىنا سٷبەلٸ ٷلەس قوسۋعا اتسالىسىپ جاتقان جەكە كەسٸپكەردٸڭ ٸسٸنە تابىس تٸلەدٸ.
