Álippeni qaitarý máselesine toqtalǵan depýtat, «Saýat ashý» – saýasyzdyqty joiý degendi bildiredi… Burynǵydai qala berse, onyń qandai qaishylyǵy bar. «Álippe» degen sóz simvoldyq, beineli ataý. Bul ataý qanymyzǵa sińgen. Ol – Ahmet Baitursynovtardan kele jatqan ataý. Osy oraida búkil ziialy qaýymnyń talabyn aitatyn bolsaq, «Saýat ashý» aty men ataýyn qurtyńyz da, «Álippeni» bizge qaitaryp berińiz. Aiaq astynan birdeńi bastap ketesizder de, keiinnen qoǵamnan qarsylyq bolyp jatady. Elbasy Joldaýynda barlyǵyn aqylmen saralap, qabyldaýǵa shaqyrdy ǵoi. Endeshe, bastamalarǵa aqylmen muqiiat qarańyzdar. Eń birinshi oilanyp alyp, sosyn isteý kerek»,-dedi.
Osy oraida depýtat oqýlyqtardaǵy kemshilikterge toqtaldy.
«Ereke, osy máselege kim jaýap beredi? (Erlan Saǵadievke qaratyp aitqa sózinde). Álde baspa jaýap bere me nemese ministr jaýapty ma?! Naqty kim jaýap beredi? Kerek bolsa, oqýlyqtardy alyp kelemin de, soraqy nárselerdi birinen soń birin qoidai toǵytamyn… Balalar myna oqýlyqtarǵa qarap otyryp, zárezap bolady. Óitkeni, óte aýyr, kitapty adam oqý múmkin emes. Balanyń jasy eshqandai eskerilmegen. Ekinshi synyptyń balasyna jetinshi synyptyń oqýshysynyń deńgeiindegini jazyp berý rýhani qaskúnemdik . Sabaqtastyqtyń joqtyǵynan, urpaǵymyzdy múgedek qylyp jatyrmyz»,-dep narazylyǵyn aitty Tileýhan.
«Ereke, buǵan qazir jaýap berińiz. Qazir jaýap bere almasańyz, baspasóz betinde sizdi jekpe-jekke shaqyramyn jáne sizdiń jeńip ketýińizge shyn júrekten tilektespin. Ókinishke qarai, jeńilip qalasyz-aý. Óitkeni, eshqandai ýáj joq. Erteń halyqtyń, sailaýshyldardyń aldynda biz jaýap berýimiz kerek», – dedi depýtat.
Óz kezeginde Saǵadiev oqýlyqtardaǵy kemshilikterge ministrlik jaýap beretinin atap ótti.
«Jyl saiyn úsh júzden astam oqýlyqtardy daiyndap otyrmyz. 5 myńnan astam muǵalimder osy sharalarǵa qatysyp otyr. Ár oqýlyq daiyndaý kezeńinde alty ai saitta tur. Osy oraida bul merzimde kemshilikterdi atap, qandai ózgertýler engizý kerektigi turǵysynda ár adamnyń usynys jasaýǵa quqyǵy bar. Endi erterek qarap, usynystardy engizbeisizder me?! Qatelikter túzetildi ǵoi. Eger oqýlyqta kemshilikter qalsa, kerek bolsa, oqýlyqtardaǵy qatelikterdi izdeýge ázirmin», – dep jaýap qaiyrdy ministr.
