ەلٸپپەنٸ قايتارۋ مەسەلەسٸنە توقتالعان دەپۋتات, «ساۋات اشۋ» – ساۋاسىزدىقتى جويۋ دەگەندٸ بٸلدٸرەدٸ… بۇرىنعىداي قالا بەرسە, ونىڭ قانداي قايشىلىعى بار. «ەلٸپپە» دەگەن سٶز سيمۆولدىق, بەينەلٸ اتاۋ. بۇل اتاۋ قانىمىزعا سٸڭگەن. ول – احمەت بايتۇرسىنوۆتاردان كەلە جاتقان اتاۋ. وسى ورايدا بٷكٸل زييالى قاۋىمنىڭ تالابىن ايتاتىن بولساق, «ساۋات اشۋ» اتى مەن اتاۋىن قۇرتىڭىز دا, «ەلٸپپەنٸ» بٸزگە قايتارىپ بەرٸڭٸز. اياق استىنان بٸردەڭٸ باستاپ كەتەسٸزدەر دە, كەيٸننەن قوعامنان قارسىلىق بولىپ جاتادى. ەلباسى جولداۋىندا بارلىعىن اقىلمەن سارالاپ, قابىلداۋعا شاقىردى عوي. ەندەشە, باستامالارعا اقىلمەن مۇقييات قاراڭىزدار. ەڭ بٸرٸنشٸ ويلانىپ الىپ, سوسىن ٸستەۋ كەرەك»,-دەدٸ.
وسى ورايدا دەپۋتات وقۋلىقتارداعى كەمشٸلٸكتەرگە توقتالدى.
«ەرەكە, وسى مەسەلەگە كٸم جاۋاپ بەرەدٸ? (ەرلان ساعاديەۆكە قاراتىپ ايتقا سٶزٸندە). ەلدە باسپا جاۋاپ بەرە مە نەمەسە مينيستر جاۋاپتى ما?! ناقتى كٸم جاۋاپ بەرەدٸ? كەرەك بولسا, وقۋلىقتاردى الىپ كەلەمٸن دە, سوراقى نەرسەلەردٸ بٸرٸنەن سوڭ بٸرٸن قويداي توعىتامىن… بالالار مىنا وقۋلىقتارعا قاراپ وتىرىپ, زەرەزاپ بولادى. ٶيتكەنٸ, ٶتە اۋىر, كٸتاپتى ادام وقۋ مٷمكٸن ەمەس. بالانىڭ جاسى ەشقانداي ەسكەرٸلمەگەن. ەكٸنشٸ سىنىپتىڭ بالاسىنا جەتٸنشٸ سىنىپتىڭ وقۋشىسىنىڭ دەڭگەيٸندەگٸنٸ جازىپ بەرۋ رۋحاني قاسكٷنەمدٸك . ساباقتاستىقتىڭ جوقتىعىنان, ۇرپاعىمىزدى مٷگەدەك قىلىپ جاتىرمىز»,-دەپ نارازىلىعىن ايتتى تٸلەۋحان.
«ەرەكە, بۇعان قازٸر جاۋاپ بەرٸڭٸز. قازٸر جاۋاپ بەرە الماساڭىز, باسپاسٶز بەتٸندە سٸزدٸ جەكپە-جەككە شاقىرامىن جەنە سٸزدٸڭ جەڭٸپ كەتۋٸڭٸزگە شىن جٷرەكتەن تٸلەكتەسپٸن. ٶكٸنٸشكە قاراي, جەڭٸلٸپ قالاسىز-اۋ. ٶيتكەنٸ, ەشقانداي ۋەج جوق. ەرتەڭ حالىقتىڭ, سايلاۋشىلداردىڭ الدىندا بٸز جاۋاپ بەرۋٸمٸز كەرەك», – دەدٸ دەپۋتات.
ٶز كەزەگٸندە ساعاديەۆ وقۋلىقتارداعى كەمشٸلٸكتەرگە مينيسترلٸك جاۋاپ بەرەتٸنٸن اتاپ ٶتتٸ.
«جىل سايىن ٷش جٷزدەن استام وقۋلىقتاردى دايىنداپ وتىرمىز. 5 مىڭنان استام مۇعالٸمدەر وسى شارالارعا قاتىسىپ وتىر. ەر وقۋلىق دايىنداۋ كەزەڭٸندە التى اي سايتتا تۇر. وسى ورايدا بۇل مەرزٸمدە كەمشٸلٸكتەردٸ اتاپ, قانداي ٶزگەرتۋلەر ەنگٸزۋ كەرەكتٸگٸ تۇرعىسىندا ەر ادامنىڭ ۇسىنىس جاساۋعا قۇقىعى بار. ەندٸ ەرتەرەك قاراپ, ۇسىنىستاردى ەنگٸزبەيسٸزدەر مە?! قاتەلٸكتەر تٷزەتٸلدٸ عوي. ەگەر وقۋلىقتا كەمشٸلٸكتەر قالسا, كەرەك بولسا, وقۋلىقتارداعى قاتەلٸكتەردٸ ٸزدەۋگە ەزٸرمٸن», – دەپ جاۋاپ قايىردى مينيستر.
