Aqtóbe oblysyndaǵy Qarǵaly aýdanynyń turǵyny alaiaqtyq qurbany boldy. Ol TikTok-taǵy videoǵa "laik" basyp, árqaisysyna pikir bildirip, ony sýretke túsirgeni úshin 300-den 800 teńge aralyǵynda aqsha tabýdy usynǵan Telegram-daǵy arnalardyń birindegi jarnamany kóredi, dep habarlaidy Dalanews.kz.
"Tez aqsha tabý qulqynyń jetegimen er adam "ákimshiniń" sharttaryna kelisip, onyń nusqaýy boiynsha áreket etken. Oǵan belgili bir saitqa tirkelip, filmder satyp alý usynylǵan. Qaskóiler oǵan salynǵan investitsiia 30% paida ákeledi dep sendirgen. "Jumys protsesi" barysynda er adam "film satyp alý" úshin ózine berilgen banktik karta shottaryna aqsha aýdaryp otyrǵan. Saldarynan qaskúnemder jábirlenýshiniń senimin asyra paidalana otyryp, onyń 2 mln teńgeden astam aqshalai qarajatyn iemdengen" dep jazady jergilikti "Moi gorod" portaly.
Atalǵan fakti boiynsha tergeý sharalary qolǵa alyndy.
Buǵan deiin alaiaqtar "utys lotereialaryn" oinatý arqyly kólik oryndyqtaryna arnalǵan massaj jabyndylaryn naryqtaǵy baǵasynan 10 ese qymbatqa satý faktileri tirkelgenin jazǵanbyz. Mundai tuzaqqa, kóbine qostanailyqtar túsken. Olarǵa kóshede tegin zattyń lotereiasy usynylǵan.
