اقتٶبە وبلىسىنداعى قارعالى اۋدانىنىڭ تۇرعىنى الاياقتىق قۇربانى بولدى. ول TikTok-تاعى ۆيدەوعا "لايك" باسىپ, ەرقايسىسىنا پٸكٸر بٸلدٸرٸپ, ونى سۋرەتكە تٷسٸرگەنٸ ٷشٸن 300-دەن 800 تەڭگە ارالىعىندا اقشا تابۋدى ۇسىنعان Telegram-داعى ارنالاردىڭ بٸرٸندەگٸ جارنامانى كٶرەدٸ, دەپ حابارلايدى Dalanews.kz.
"تەز اقشا تابۋ قۇلقىنىڭ جەتەگٸمەن ەر ادام "ەكٸمشٸنٸڭ" شارتتارىنا كەلٸسٸپ, ونىڭ نۇسقاۋى بويىنشا ەرەكەت ەتكەن. وعان بەلگٸلٸ بٸر سايتقا تٸركەلٸپ, فيلمدەر ساتىپ الۋ ۇسىنىلعان. قاسكٶيلەر وعان سالىنعان ينۆەستيتسييا 30% پايدا ەكەلەدٸ دەپ سەندٸرگەن. "جۇمىس پروتسەسٸ" بارىسىندا ەر ادام "فيلم ساتىپ الۋ" ٷشٸن ٶزٸنە بەرٸلگەن بانكتٸك كارتا شوتتارىنا اقشا اۋدارىپ وتىرعان. سالدارىنان قاسكٷنەمدەر جەبٸرلەنۋشٸنٸڭ سەنٸمٸن اسىرا پايدالانا وتىرىپ, ونىڭ 2 ملن تەڭگەدەن استام اقشالاي قاراجاتىن يەمدەنگەن" دەپ جازادى جەرگٸلٸكتٸ "موي گورود" پورتالى.
اتالعان فاكتٸ بويىنشا تەرگەۋ شارالارى قولعا الىندى.
بۇعان دەيٸن الاياقتار "ۇتىس لوتەرەيالارىن" ويناتۋ ارقىلى كٶلٸك ورىندىقتارىنا ارنالعان ماسساج جابىندىلارىن نارىقتاعى باعاسىنان 10 ەسە قىمباتقا ساتۋ فاكتٸلەرٸ تٸركەلگەنٸن جازعانبىز. مۇنداي تۇزاققا, كٶبٸنە قوستانايلىقتار تٷسكەن. ولارعا كٶشەدە تەگٸن زاتتىڭ لوتەرەياسى ۇسىنىلعان.
