Tikelei efir Túimebaevqa 1500-ge jýyq suraq kelip tústi
«Ońtústik» telearnasynda ótken tikelei efir barysynda barlyǵy 1500-ge jýyq suraq kelip tústi. Turǵyndardan suraqtardy qabyldaý úshin bailanystyń barlyq túri qamtyldy. Suraqtar Call-ortalyq arqyly jáne ýatsap jelisi men elektrondy poshta, sondai-aq, tikelei transliatsiia júrgizilgen Ońtústik Qazaqstan oblystyq ákimdiginiń feisbýktegi resmi paraqshasyna da kelip tústi.
Ońtústikqazaqstandyqtardan jer, baspana alý, jumyssyzdyq, shahardy abattandyrý, turǵyn úi-kommýnaldyq sharýashylyǵy men joldardy jóndeýge qatysty máselelerdi kóterdi. Sondai-aq, aýyl sharýashylyǵyna qatysty saýaldar da kóptep joldandy.
Atalǵan suraqtardyń 423-i WhatsApp jelisi arqyly, ózge áleýmettik jelilerden qosymsha 215 suraq, al Call-ortalyqqa 1287 adam telefon arqyly saýalyn joldaǵan.
Aita ketý kerek, «Ońtústik» telearnasy ótkizgen tikelei efir kezinde birden jaýap ala almaǵan kórermenderdiń suraqtary tolyq tirkeldi. Olarǵa memlekettik organdar mindetti túrde jaýap beredi. Sondai-aq, osy joba aiasynda oblys ákimi Janseiit Túimebaevtyń bergen tapsyrmalardyń oryndalýy ákimdiktegi inspektorlarynyń nazarynda bolady.
Elbasy Nursultan Nazarbaevtyń «Bes áleýmettik bastama» baǵdarlamasynyń óńirdegi oryndalý barysy men oblystyń áleýmettik-ekonomikalyq damýy, bilim jáne ǵylym, mádeniet, óner taǵy da basqa salalarda kezdesetin ózekti de, ótkir máselelerdiń sheshilý joldaryn aitqan óńir basshysy baǵdarlama sońynda Ońtústik jurtyn 15 maýsym kúni ótetin Oraza ait merekesimen quttyqtady.
