«Ońtústik» تەلەارناسىندا وتكەن تىكەلەي ەفير بارىسىندا بارلىعى 1500-گە جۋىق سۇراق كەلىپ ءتۇستى. تۇرعىنداردان سۇراقتاردى قابىلداۋ ءۇشىن بايلانىستىڭ بارلىق ءتۇرى قامتىلدى. سۇراقتار Call-ورتالىق ارقىلى جانە ۋاساپ جەلىسى مەن ەلەكتروندى پوشتا، سونداي-اق، تىكەلەي ترانسلياسيا جۇرگىزىلگەن وڭتۇستىك قازاقستان وبلىستىق اكىمدىگىنىڭ فەيسبۋكتەگى رەسمي پاراقشاسىنا دا كەلىپ ءتۇستى.
وڭتۇستىكقازاقستاندىقتاردان جەر، باسپانا الۋ، جۇمىسسىزدىق، شاھاردى اباتتاندىرۋ، تۇرعىن ۇي-كوممۋنالدىق شارۋاشىلىعى مەن جولداردى جوندەۋگە قاتىستى ماسەلەلەردى كوتەردى. سونداي-اق، اۋىل شارۋاشىلىعىنا قاتىستى ساۋالدار دا كوپتەپ جولداندى.
اتالعان سۇراقتاردىڭ 423ء-ى WhatsApp جەلىسى ارقىلى، وزگە الەۋمەتتىك جەلىلەردەن قوسىمشا 215 سۇراق، ال Call-ورتالىققا 1287 ادام تەلەفون ارقىلى ساۋالىن جولداعان.
ايتا كەتۋ كەرەك، «Ońtústik» تەلەارناسى وتكىزگەن تىكەلەي ەفير كەزىندە بىردەن جاۋاپ الا الماعان كورەرمەندەردىڭ سۇراقتارى تولىق تىركەلدى. ولارعا مەملەكەتتىك ورگاندار مىندەتتى تۇردە جاۋاپ بەرەدى. سونداي-اق، وسى جوبا اياسىندا وبلىس اكىمى جانسەيىت تۇيمەبايەۆتىڭ بەرگەن تاپسىرمالاردىڭ ورىندالۋى اكىمدىكتەگى ينسپەكتورلارىنىڭ نازارىندا بولادى.
ەلباسى نۇرسۇلتان نازاربايەۆتىڭ «بەس الەۋمەتتىك باستاما» باعدارلاماسىنىڭ وڭىردەگى ورىندالۋ بارىسى مەن وبلىستىڭ الەۋمەتتىك-ەكونوميكالىق دامۋى، ءبىلىم جانە عىلىم، مادەنيەت، ونەر تاعى دا باسقا سالالاردا كەزدەسەتىن وزەكتى دە، وتكىر ماسەلەلەردىڭ شەشىلۋ جولدارىن ايتقان ءوڭىر باسشىسى باعدارلاما سوڭىندا وڭتۇستىك جۇرتىن 15 ماۋسىم كۇنى وتەتىن ورازا ايت مەرەكەسىمەن قۇتتىقتادى.
