"2024 jylǵy 1 qańtardan bastap 2025 jylǵy 1 qańtarǵa deiingi aralyqta ulttyq valiýtanyń resmi baǵamy 15,5%-ǵa, iaǵni 525,11 teńgege álsiredi. Mundai joǵary qarqyn sońǵy ret 2019 jyldyń qorytyndysy boiynsha tirkelgen (15,6%) edi". Osylaisha Birinshi kredittik biýro bir jyl barysynda ulttyq valiýtamyz - teńge 15,5%-ǵa aitarlyqtai qunsyzdanǵanyn taǵy bir márte eske salady, dep jazady Dalanews.kz.
Bulai bolatynyn aldyn-ala boljaý, árine qiyn edi. Óitkeni 2024 jyldyń alǵashqy úsh aiynda teńgege shaqqanda 1 AQSh dollary 450 teńge ainalasynda aitarlyqtai turaqty bolyp saqtaldy.
"Sodan keiin ulttyq valiýta qymbattaýyn bastady jáne mamyr aiynyń ortasyna qarai bir jyldan astam ýaqyt ishindegi eń joǵary deńgeidi qamtydy (439,4 teńge). Ol kezde teńgeniń bulaisha kúrt nyǵaiiýy, eń aldymen respýblikalyq biýdjet transfertterin qamtamasyz etý úshin Ulttyq qordan satý úshin valiýtalardyń kóptep alýymen bailanysty ekeni aityldy. Al maýsym aiynda satylym kóleminiń tómendeýimen birge jaǵdai ózgere bastady, iaǵni ulttyq valiýta álsireýge kóshti. Jazdyń ortasynan bastap "Qazatomónerkásip" aktsiialaryn satyp alý boiynsha mámile sheńberinde altyn-valiýta qorynan valiýta alyp, satý teńgege qosymsha qoldaý kórsetti, al Ulttyq qordan valiýta alyp satý jaǵdaiy ósimge oralýǵa túrtki boldy. Biraq osynyń bárine qaramastan, teńge óz pozitsiiasyn tez joǵalta bastady" delingen DATA HUB-tyń Telegram arnasynda.
Qarasha aiynda is nasyrǵa shapqany sonsha, Ulttyq bank kóptep beri alǵash ret 1,05 mlrd dollarǵa valiýtalyq interventsiialar júrgizýge májbúr boldy. Bul sharanyń qajettiligi syrtqy jáne ishki faktorlardyń jiyntyǵynan, eń aldymen dollardyń jalpy nyǵaiýynan týyndaǵan "valiýta naryǵyndaǵy qubylmalylyqpen" bailanystyryldy. Qalai bolǵanda da, kúzdiń sońynda ulttyq valiýta jańa tarihi minimýmdy igerip, 1 AQSh dollarynyń quny 513 teńge boldy.
"Jeltoqsan aiynda Ulttyq bank taǵy da 307,6 mln dollardy satý arqyly interventsiialar júrgizdi. Sondai-aq, teńge baǵamyn Ulttyq qordan 900 mln dollar kóleminde valiýta alyp, satý jáne BJZQ zeinetaqy aktivteriniń valiýtalyq úlesin qoldaý úshin valiýta satyp almaý syndy jaǵdailar qoldaý kerek bolatyn. Alaida, 2024 jyldyń sońǵy aiynyń qorytyndysy boiynsha ulttyq valiýta baǵamy taǵy da álsiredi, atap aitqanda 2,7%-ǵa nemese 13,89 teńgege", - deidi DATA HUB sarapshylary.
Qalai degenmen de 2025 jyly ulttyq valiýta basyna úiirilgen bult áli de seiilmegeni belgili bolyp otyr. Óitkeni Ulttyq bank búgingi málimdemesinde qańtarda da Ulttyq qordan qomaqty kólemde valiýtalar alynyp, satylatynyn málimdedi.
"Qańtar aiynda Ulttyq qordan, salystyrmaly túrde joǵary deńgeide, 750 mln-nan 850 mln dollarǵa deiin kólemde valiýta alyp, satý boljanady, al BJZQ-da valiýtany satyp alý josparlanbaǵan. Bul sharalar teńge kómektesedi me, álde kómegi shamaly bolady ma, ony alda kóretin bolamyz", - deidi mamandar.
Buǵan deiin respýblikalyq biýdjetke transfert bólýge Úkimettiń aldyn ala boljamdy ótinimderi boiynsha 2025 jylǵy qańtarda Ulttyq bank Ulttyq qordan 750 mln AQSh dollarynan 850 mln AQSh dollaryna deiingi mólsherde valiýta alyp, satylady dep kútiletinin jazǵan bolatynbyz.
