"2024 جىلعى 1 قاڭتاردان باستاپ 2025 جىلعى 1 قاڭتارعا دەيىنگى ارالىقتا ۇلتتىق ۆاليۋتانىڭ رەسمي باعامى 15،5%-عا، ياعني 525،11 تەڭگەگە السىرەدى. مۇنداي جوعارى قارقىن سوڭعى رەت 2019 جىلدىڭ قورىتىندىسى بويىنشا تىركەلگەن (15،6%) ەدى". وسىلايشا ءبىرىنشى كرەديتتىك بيۋرو ءبىر جىل بارىسىندا ۇلتتىق ۆاليۋتامىز - تەڭگە 15،5%-عا ايتارلىقتاي قۇنسىزدانعانىن تاعى ءبىر مارتە ەسكە سالادى، دەپ جازادى Dalanews.kz.
بۇلاي بولاتىنىن الدىن-الا بولجاۋ، ارينە قيىن ەدى. ويتكەنى 2024 جىلدىڭ العاشقى ءۇش ايىندا تەڭگەگە شاققاندا 1 اقش دوللارى 450 تەڭگە اينالاسىندا ايتارلىقتاي تۇراقتى بولىپ ساقتالدى.
"سودان كەيىن ۇلتتىق ۆاليۋتا قىمباتتاۋىن باستادى جانە مامىر ايىنىڭ ورتاسىنا قاراي ءبىر جىلدان استام ۋاقىت ىشىندەگى ەڭ جوعارى دەڭگەيدى قامتىدى (439،4 تەڭگە). ول كەزدە تەڭگەنىڭ بۇلايشا كۇرت نىعايۋى، ەڭ الدىمەن رەسپۋبليكالىق بيۋدجەت ترانسفەرتتەرىن قامتاماسىز ەتۋ ءۇشىن ۇلتتىق قوردان ساتۋ ءۇشىن ۆاليۋتالاردىڭ كوپتەپ الۋىمەن بايلانىستى ەكەنى ايتىلدى. ال ماۋسىم ايىندا ساتىلىم كولەمىنىڭ تومەندەۋىمەن بىرگە جاعداي وزگەرە باستادى، ياعني ۇلتتىق ۆاليۋتا السىرەۋگە كوشتى. جازدىڭ ورتاسىنان باستاپ "قازاتومونەركاسىپ" اكسيالارىن ساتىپ الۋ بويىنشا مامىلە شەڭبەرىندە التىن-ۆاليۋتا قورىنان ۆاليۋتا الىپ، ساتۋ تەڭگەگە قوسىمشا قولداۋ كورسەتتى، ال ۇلتتىق قوردان ۆاليۋتا الىپ ساتۋ جاعدايى وسىمگە ورالۋعا تۇرتكى بولدى. ءبىراق وسىنىڭ بارىنە قاراماستان، تەڭگە ءوز پوزيسياسىن تەز جوعالتا باستادى" دەلىنگەن DATA HUB-تىڭ Telegram ارناسىندا.
قاراشا ايىندا ءىس ناسىرعا شاپقانى سونشا، ۇلتتىق بانك كوپتەپ بەرى العاش رەت 1،05 ملرد دوللارعا ۆاليۋتالىق ينتەرۆەنسيالار جۇرگىزۋگە ءماجبۇر بولدى. بۇل شارانىڭ قاجەتتىلىگى سىرتقى جانە ىشكى فاكتورلاردىڭ جيىنتىعىنان، ەڭ الدىمەن دوللاردىڭ جالپى نىعايۋىنان تۋىنداعان "ۆاليۋتا نارىعىنداعى قۇبىلمالىلىقپەن" بايلانىستىرىلدى. قالاي بولعاندا دا، كۇزدىڭ سوڭىندا ۇلتتىق ۆاليۋتا جاڭا تاريحي مينيمۋمدى يگەرىپ، 1 اقش دوللارىنىڭ قۇنى 513 تەڭگە بولدى.
"جەلتوقسان ايىندا ۇلتتىق بانك تاعى دا 307،6 ملن دوللاردى ساتۋ ارقىلى ينتەرۆەنسيالار جۇرگىزدى. سونداي-اق، تەڭگە باعامىن ۇلتتىق قوردان 900 ملن دوللار كولەمىندە ۆاليۋتا الىپ، ساتۋ جانە بجزق زەينەتاقى اكتيۆتەرىنىڭ ۆاليۋتالىق ۇلەسىن قولداۋ ءۇشىن ۆاليۋتا ساتىپ الماۋ سىندى جاعدايلار قولداۋ كەرەك بولاتىن. الايدا، 2024 جىلدىڭ سوڭعى ايىنىڭ قورىتىندىسى بويىنشا ۇلتتىق ۆاليۋتا باعامى تاعى دا السىرەدى، اتاپ ايتقاندا 2،7%-عا نەمەسە 13،89 تەڭگەگە"، - دەيدى DATA HUB ساراپشىلارى.
قالاي دەگەنمەن دە 2025 جىلى ۇلتتىق ۆاليۋتا باسىنا ۇيىرىلگەن بۇلت ءالى دە سەيىلمەگەنى بەلگىلى بولىپ وتىر. ويتكەنى ۇلتتىق بانك بۇگىنگى مالىمدەمەسىندە قاڭتاردا دا ۇلتتىق قوردان قوماقتى كولەمدە ۆاليۋتالار الىنىپ، ساتىلاتىنىن مالىمدەدى.
"قاڭتار ايىندا ۇلتتىق قوردان، سالىستىرمالى تۇردە جوعارى دەڭگەيدە، 750 ملن-نان 850 ملن دوللارعا دەيىن كولەمدە ۆاليۋتا الىپ، ساتۋ بولجانادى، ال بجزق-دا ۆاليۋتانى ساتىپ الۋ جوسپارلانباعان. بۇل شارالار تەڭگە كومەكتەسەءدى مە، الدە كومەگى شامالى بولادى ما، ونى الدا كورەتىن بولامىز"، - دەيدى ماماندار.
بۇعان دەيىن رەسپۋبليكالىق بيۋدجەتكە ترانسفەرت بولۋگە ۇكىمەتتىڭ الدىن الا بولجامدى وتىنىمدەرى بويىنشا 2025 جىلعى قاڭتاردا ۇلتتىق بانك ۇلتتىق قوردان 750 ملن اقش دوللارىنان 850 ملن اقش دوللارىنا دەيىنگى مولشەردە ۆاليۋتا الىپ، ساتىلادى دەپ كۇتىلەتىنىن جازعان بولاتىنبىز.
