Temirden túiin túietin sheber oiyn alańdaryn jasaýda
Munaily aýdanyna qarasty Basqudyq aýylynyń turǵyny Temirhan Kanashov temir buiymdaryn jasap, kúndelikti turmysqa qajetti buiymdardy daiyndaidy. Endi osy mashyǵyn jetildirip kásipke ainaldyrmaqshy, – dep habarlaidy Dalanews.kz Munaily aýdany ákimdiginiń baspasóz qyzmetine silteme jasap.
Temir buiymdaryn óńdep, keskinin qiiý úshin qajetti jabdyqtaryn da satyp alǵan. Sonyń arqasynda kólemdi tapsyrystar alyp, keibir qurylys mekemeleriniń de qajettiligin óteýde.
Temirden túiin túietin sheber zeinetaqysyna qarap otyrmai, bos ýaqytynda kásip qylyp nápaqasyn taýyp otyr.
– Qazirgi ýaqyttta aýdannyń 2 turǵynyn jumyspen qamtyp otyrmyn. Bastapqyda balalar oiyn alańdaryn nemerelerime jasap berdim. Sodan soń qyzyǵýshylyǵym oianyp, byltyrdan bastap jalpy kásibime ainaldyrdym.
Oblys kólemindegi bala-baqshalardyń oiyn alańdaryna átkenshek, syrǵanaq sekildi birneshe dúniege tapsyrys alyp otyrmyn. Qolymnan shyqqan buiymdardy aldaǵy ýaqytta ary qarai damytsam degen oidamyn, – dedi jeke kásipker Temirhan Kanashov.
