Temeki taǵy da qymbattaýy múmkin. QR Qarjy ministrligi temeki ónimderine eń tómengi bólshek baǵany belgileýge qatysty qoldanystaǵy zańnamaǵa ózgerister engizý týraly buiryqtyń jobasyn ázirledi, dep habarlaidy Dalanews.kz.
Qujat "Ashyq NQA" portalynda qoǵamdyq talqyǵa usyný úshin jariialandy. Bul ózgerister Qarjy ministriniń 2022 jylǵy 22 aqpandaǵy № 196 buiryǵyna engizilip, onda súzgisi bar jáne súzgisiz temekilerdiń, papirostardyń, sigarillalardyń, sondai-aq qyzdyrylatyn tabak ónimderiniń eń tómengi baǵasy anyqtalady.
Qujat túsindirmesinde atap kórsetilgendei, ózgeristerdi engizýdegi negizgi maqsat- temeki ónimderine qatysty belgilengen salyq jáne baǵa saiasatyn júrgizý, sondai–aq densaýlyq saqtaý salasyndaǵy maqsattarǵa qol jetkizýge járdemdesý - elde temeki shegý men temeki tutynysyn azaitý.
Osy jaǵynan alǵanda tekmeniń eń tómengi baǵasy taǵy da artady. Alaida Qarjy ministrligi buiryǵynyń jobasynda naqty soma kórsetilmegen.
Qoldanystaǵy buiryq boiynsha, biyl 1 qańtardan bastap bul soma 870 teńgeni quraidy.
