تەمەكى تاعى دا قىمباتتاۋى مۇمكىن. ق ر قارجى مينيسترلىگى تەمەكى ونىمدەرىنە ەڭ تومەنگى بولشەك باعانى بەلگىلەۋگە قاتىستى قولدانىستاعى زاڭناماعا وزگەرىستەر ەنگىزۋ تۋرالى بۇيرىقتىڭ جوباسىن ازىرلەدى، دەپ حابارلايدى Dalanews.kz.
قۇجات "اشىق نقا" پورتالىندا قوعامدىق تالقىعا ۇسىنۋ ءۇشىن جاريالاندى. بۇل وزگەرىستەر قارجى ءمينيسترىنىڭ 2022 جىلعى 22 اقپانداعى № 196 بۇيرىعىنا ەنگىزىلىپ، وندا سۇزگىسى بار جانە سۇزگىسىز تەمەكىلەردىڭ، پاپيروستاردىڭ، سيگاريللالاردىڭ، سونداي-اق قىزدىرىلاتىن تاباك ونىمدەرىنىڭ ەڭ تومەنگى باعاسى انىقتالادى.
قۇجات تۇسىندىرمەسىندە اتاپ كورسەتىلگەندەي، وزگەرىستەردى ەنگىزۋدەگى نەگىزگى ماقسات- تەمەكى ونىمدەرىنە قاتىستى بەلگىلەنگەن سالىق جانە باعا ساياساتىن جۇرگىزۋ، سونداي–اق دەنساۋلىق ساقتاۋ سالاسىنداعى ماقساتتارعا قول جەتكىزۋگە جاردەمدەسۋ - ەلدە تەمەكى شەگۋ مەن تەمەكى تۇتىنىسىن ازايتۋ.
وسى جاعىنان العاندا تەكمەنىڭ ەڭ تومەنگى باعاسى تاعى دا ارتادى. الايدا قارجى مينيسترلىگى بۇيرىعىنىڭ جوباسىندا ناقتى سوما كورسەتىلمەگەن.
قولدانىستاعى بۇيرىق بويىنشا، بيىل 1 قاڭتاردان باستاپ بۇل سوما 870 تەڭگەنى قۇرايدى.
