TELE2 - BASTYQ1

Dalanews 22 sáý. 2024 18:05 2086

«Qazaqtelekom» AQ kompanıalar tobyna kiretin «Mobaıl Telekom-Servıs» JSHS (Tele2/Altel uıaly operatory) basshysyn aýystyrdy. Negizgi kompanıa Katarlyq Power Holding tobyna satylýy tıis edi. Mámile aldynda jańa basshy - Sergeı Nazarenkonyń taǵaıyndalýy bolashaq ınvestordyń talaby bolýy múmkin.

Sergeı Nazarenko sońǵy 16 jylda ol telekomýnıkasıalyq kompanıalarda ósý strategıalaryn ázirlep, engizý, transformasıa jáne operasıalyq tıimdilikti arttyrýmen belsendi aınalysyp kelgen. Buǵan deıin ol AzerTelecom (Ázirbaıjan), Caspinet BV (Nıderlandy), KazTransCom, Kcell, «Qazaqtelekom» kompanıalarynda basshylyq qyzmetterin atqardy.

Qazaqstanda Tele2/Altel júıesinde 7 mıllıon abonent bar. Oǵan kompanıa 7 myń bazalyq stansıa kómegimen qyzmet kórmetýde. Tele2 Qazaqstanǵa 2010 jyly keldi. Al 2019 jyly ol Qazaqtelekom qolyna túsip, memleket qaramaǵyna ótti. Endi monopolıadan ketý úshin memleket Tele2-ni sheteldik ınvestorlarǵa satýǵa múddeli bolyp otyr.


Usynylǵan
Sońǵy jańalyqtar