«قازاقتەلەكوم» اق كومپانيالار توبىنا كىرەتىن «موبايل تەلەكوم-سەرۆيس» ج ش س (Tele2/Altel ۇيالى وپەراتورى) باسشىسىن اۋىستىردى. نەگىزگى كومپانيا كاتارلىق Power Holding توبىنا ساتىلۋى ءتيىس ەدى. مامىلە الدىندا جاڭا باسشى - سەرگەي نازارەنكونىڭ تاعايىندالۋى بولاشاق ينۆەستوردىڭ تالابى بولۋى مۇمكىن.

سەرگەي نازارەنكو سوڭعى 16 جىلدا ول تەلەكوممۋنيكاسيالىق كومپانيالاردا ءوسۋ ستراتەگيالارىن ازىرلەپ، ەنگىزۋ، ترانسفورماسيا جانە وپەراسيالىق تيىمدىلىكتى ارتتىرۋمەن بەلسەندى اينالىسىپ كەلگەن. بۇعان دەيىن ول AzerTelecom (ءازىربايجان)، Caspinet BV (نيدەرلاندى)، KazTransCom، Kcell، «قازاقتەلەكوم» كومپانيالارىندا باسشىلىق قىزمەتتەرىن اتقاردى.

قازاقستاندا تەلە2/التەل جۇيەسىندە 7 ميلليون ابونەنت بار. وعان كومپانيا 7 مىڭ بازالىق ستانسيا كومەگىمەن قىزمەت كورمەتۋدە. Tele2 قازاقستانعا 2010 جىلى كەلدى. ال 2019 جىلى ول قازاقتەلەكوم قولىنا ءتۇسىپ، مەملەكەت قاراماعىنا ءوتتى. ەندى مونوپوليادان كەتۋ ءۇشىن مەملەكەت تەلە2ء-نى شەتەلدىك ينۆەستورلارعا ساتۋعا مۇددەلى بولىپ وتىر.