Jetisý oblysynda «Taza Qazaqstan» jalpyulttyq baǵdarlamasy aiasynda Dúniejúzilik tazalyq kúnine orai uiymdastyrylǵan ekologiialyq sharalarǵa óńirdiń shamamen 50 myń turǵyny qatysty, dep habarlaidy dalanews.kz.
Ekologiialyq aktsiialardyń qorytyndysynda 9500 kóshet otyrǵyzylyp, 3 myń tonna qoqys jinalyp, shyǵarylǵan. Taldyqorǵan qalasyndaǵy «Jastar» parkin tazalaý men kóshetter otyrǵyzýǵa oblys ákimi Beibit Isabaev qatysty, - dep habarlaidy Jetisý oblysy ákimdiginiń baspasóz qyzmeti.
«Jastar» parkindegi ekologiialyq sharaǵa memlekettik organdar, uiymdar men kásiporyndardyń, qoǵamdyq birlestikterdiń ókilderi, kásipkerler, jastar men volonterler belsene qatysty. Senbilik aiasynda parktiń aýmaǵy tazartylyp, 100 japyraqty aǵash otyrǵyzyldy. Atap ótsek, sol kúni Taldyqorǵanda barlyǵy 1000 kóshet egildi.
- Prezidenttiń bastamasymen qolǵa alynǵan «Taza Qazaqstan» jalpyulttyq baǵdarlamasynyń aiasynda eldi mekenderdi abattandyrý, kógaldandyrý jumystaryn júieli atqaryp kelemiz. Sońǵy eki jyldan beri tek aǵash otyrǵyzýmen shektelmei, Taldyqorǵanda «Jastar» saiabaǵy, Qarataldyń jaǵalaýy, «Jeńis», «Ardagerler» parkteri abattandyryp, barlyǵynyń sýarý júiesi qaita jasalýda. Jalpy alǵanda oblystyń barlyq aýdan-qalalaryndaǵy parkter men skverlerdi retke keltirip jatyrmyz. Keń maǵynasynda alǵanda, «Taza Qazaqstan» baǵdarlamasynyń maqsaty tek tabiǵattyń tazalyǵy, saiabaqtardy abattandyrý, aǵash otyrǵyzý ǵana emes, adamnyń jan dúniesiniń tazalyǵy, sanasynyń jańǵyrýyna qol jetkizý. Ujymdar, aýlalar, kóshe turǵyndary – barlyǵy birigip óz mańaiyn kórkeitýge belsene atsalysyp jatyr, biz mundai belsendi azamattardy árdaiym yntalandyramyz, qoldaimyz. Bul – qoǵamnyń jańarýy, - dedi oblys ákimi Beibit Isabaev.
Senbilikke qatysýshylar óz pikirlerin bildirdi:
- Aǵash neǵurlym kóp bolsa, aýa soǵurlym taza bolady. Sondyqtan mundai sharalarǵa qatysý mańyzdy dep sanaimyn. Aǵash otyrǵyzý, olarǵa kútim jasaý, tazalyqty saqtaý ózimiz úshin kerek. Bári ózimizden bastalady, sondyqtan ár adam úles qosýy tiis. Ainalamyz taza, jasyl jelek bolsa, jan-dúniemiz tynysh bolady. Barshańyzdy qorshaǵan ortaǵa, týǵan tabiǵatqa jaýapkershilikpen qaraýǵa shaqyramyn. Taldyqorǵanymyz gúldegip, kórkeie bersin, - dedi jas ekovolonter Aiajan Nurahmetova.
Taldyqorǵan qalasynyń turǵyny Janar Bolatqyzy da osyndai pikirde:
- Qalada jastardyń ekologiialyq jobalarǵa qatysqanyna qýanamyz. Qalanyń aýmaqtaryn bárimiz birge retke keltiremiz. Biz jai ǵana tazalap qana qoimai, qalamyzdyń ekologiialyq jaǵdaiyn jaqsartýǵa úles qosyp jatyrmyz. Tazalyq pen tártipti ár azamat saqtasa, qalamyz áldeqaida taza ári jaily bolady, - degen ol jerlesterin túrli ekologiialyq sharalarǵa belsendi qatysýǵa shaqyrdy.
Atap ótsek, biyldan bastap óńirde qorshaǵan ortany qorǵaý jáne ekologiialyq mádenietti qalyptastyrý aiasynda 181 shara uiymdastyrylyp, oǵan 180 myńnan astam adam qatysty. Sonyń nátijesinde 68 myń kóshet egildi, 15 myń tonna qoqys shyǵaryldy.
