«Taza Qazaqstan» jalpyulttyq ekologıalyq aksıasy aıasynda óńir turǵyndary týǵan ólkeni abattandyrýǵa úles qosýdy jalǵastyrýda.
Búgin barlyq qalalar men aýdandarda sanıtarlyq tazartý sharalary ótti. Qural-jabdyqtarmen qarýlanǵan jergilikti bılik, qoǵamdyq uıymdar ókilderi, jastar, belsendiler jáne beı-jaı qaramaıtyn azamattar senbilikke yqylaspen shyqty.
Olar lastanǵan kóshelerdi, aýlalardy, saıabaqtar men alańdardy tazartty. Al Sátbaev qalasynyń eńbek ujymdary óndiristik kásiporyndardyń aýmaqtarynda tazalaý, syrlaý, ákteý jumystaryn júrgizdi.
Sonymen qatar, turǵyn úılerdiń aýlalarynda da jumys qyzý júrip jatty. «Úzdik aýla» aksıasyn oblystyń barlyq PIK-tary qoldady. Turǵyndarmen birge olar birge tazalyq ornatyp, aǵashtardy sýaryp, gúlzarlardy retke keltirdi.
Jańaarqa jáne Ulytaý aýdandarynda bulaqtardyń janynda jáne ózenderdiń jaǵasynda ekologıalyq aksıa ótti. Ulytaý aýdanynyń turǵyndary kelýshilerge qolaıly jaǵdaı jasaý úshin «Kúmis bulaq», «Tasbulaq» bulaqtarynyń aınalasyn abattandyrý jumystaryn júrgizdi. Jańaarqalyqtar Sarysý ózeniniń jaǵasyn qoqystan tazartyp, shomylý oryndaryn retke keltirdi
Jezqazǵan jáne Sátbaev qalalarynda mektepke deıingi mekemelerdiń aýmaǵynda qus úılerin ornatý boıynsha «Qustarǵa qamqorlyq» aksıasy uıymdastyryldy. Aksıa aıasynda ata-analar balalarymen birge qus úılerin jasap, olardy balabaqsha aýmaǵynda ósetin aǵashtarǵa bekitti. Osylaısha, olar qyzyqty ýaqyt ótkizip qana qoımaı, tabıǵat pen eńbekke jaýapkershilikpen qaraýǵa tárbıeleýge úles qosty.
Ekologıalyq aksıany ótkizýge «Jasyl el» jastar jasaqtary úlken úles qosty. «Tazalyq tazartylǵan jerde emes, qoqys tastalmaǵan jerde. Sondyqtan, biz jerlesterdi tazalyqty saqtaýǵa jáne bizge qosylýǵa shaqyramyz», - dep atap ótti qoǵam belsendisi, «Sátbaev qalasy «Lúbavýshka» orys etnomádenı ortalyǵy» QB tóraǵasy Inna Mosýnova.
Búginde barlyǵy 4600-den astam adam men 63 birlik arnaıy tehnıka jumyldyrylyp, 90 tonnadan astam qoqys shyǵaryldy.