Taıaý Shyǵys aımaǵynan Qazaqstan azamattaryn evakýasıalaý aıaqtaldy. Bul týraly Syrtqy ister mınıstrligi málimdedi, dep habarlaıdy Dalanews.kz.

Vedomstvo málimetinshe, Qazaqstanǵa 10 275 azamat qaıtarylǵan.

"Qazaqstan azamattaryn evakýasıalaý ártúrli baǵyt arqyly, sonyń ishinde áýe jáne qurlyq joldarymen júzege asyryldy. Qazaqstan Respýblıkasynyń óńirdegi dıplomatıalyq ókildikteri jergilikti jerlerde shet memleketterdiń quzyretti organdarymen ózara is-qımyldy úılestirip, otandastarmen turaqty baılanysta bolyp, Qazaqstan azamattaryna kómektesti. Qazaqstan Respýblıkasynyń Syrtqy ister mınıstrligi qazaqstandyqtardyń Otanyna qaýipsiz oralýyn qamtamasyz etýge kórsetken qoldaýy úshin memlekettik organdarǵa jáne sheteldik áriptesterge alǵys bildiredi", - dep jazylǵan habarlamada.

Eske salaıyq, buǵan deıin Taıaý Shyǵystan elge qaıtarylǵandar sany 10 myńǵa jýyqtaǵany habarlandy.