تاياۋ شىعىس ايماعىنان قازاقستان ازاماتتارىن ەۆاكۋاسيالاۋ اياقتالدى. بۇل تۋرالى سىرتقى ىستەر مينيسترلىگى مالىمدەدى، دەپ حابارلايدى Dalanews.kz.
ۆەدومستۆو مالىمەتىنشە، قازاقستانعا 10 275 ازامات قايتارىلعان.
"قازاقستان ازاماتتارىن ەۆاكۋاسيالاۋ ءارتۇرلى باعىت ارقىلى، سونىڭ ىشىندە اۋە جانە قۇرلىق جولدارىمەن جۇزەگە اسىرىلدى. قازاقستان رەسپۋبليكاسىنىڭ وڭىردەگى ديپلوماتيالىق وكىلدىكتەرى جەرگىلىكتى جەرلەردە شەت مەملەكەتتەردىڭ قۇزىرەتتى ورگاندارىمەن ءوزارا ءىس-قيمىلدى ۇيلەستىرىپ، وتانداستارمەن تۇراقتى بايلانىستا بولىپ، قازاقستان ازاماتتارىنا كومەكتەستى. قازاقستان رەسپۋبليكاسىنىڭ سىرتقى ىستەر مينيسترلىگى قازاقستاندىقتاردىڭ وتانىنا ءقاۋىپسىز ورالۋىن قامتاماسىز ەتۋگە كورسەتكەن قولداۋى ءۇشىن مەملەكەتتىك ورگاندارعا جانە شەتەلدىك ارىپتەستەرگە العىس بىلدىرەدى"، - دەپ جازىلعان حابارلامادا.
ەسكە سالايىق، بۇعان دەيىن تاياۋ شىعىستان ەلگە قايتارىلعاندار سانى 10 مىڭعا جۋىقتاعانى حابارلاندى.
