Búginde Nur-Sultan qalasy ásem arhıtektýrasymen kózdiń jaýyn alar elimizdegi ásem qalalardyń birine aınalyp otyr. Árıne, respýblıkamyzdyń osyndaı bıiktikterdi baǵyndyrýyna qazaqstandyqtar súbeli úles qosyp keledi.
– Táýelsizdik ońaı jolmen kelgen joq, biraz qıyndyqtar boldy. Ózim osy qalaǵa Selınograd kezinde keldim. Otyz jeti jyldan beri qoǵamdyq kólikte qyzmet etemin. Selınograd boldy, Astana boldy, Nur-Sultan boldy. Osy qoǵamdyq kólikpen qurylysshylardy tasydym. Osy az ýaqyt ishinde Astanany salyp, ádemi ǵımarattardy turǵyzǵan qurylysshylarǵa alǵysymdy aıtqym keledi. Kóz aldymyzda bári ósip, ónip jatyr. Qalamyz kórkeıip jatyr. Jastarǵa aıtarym, erinbeı eńbek etip, Qazaqstan Táýelsizdiginiń berik bolýyna óz úlesterin qossyn! Qurmetti otandastar, Táýelsizdigimizdiń 30 jyldyǵymen quttyqtaımyn. Elimiz tynysh, Jurtymyz aman bolsyn. Merekeli, berekeli kúnder kóp bolsyn! Mereke qutty bolsyn aǵaıyndar, – deıdi Nur-Sultan qalasyndaǵy №1 avtopraktiń kólik júrgizýshisi Qanat Qultas.
https://www.youtube.com/watch?v=h1TL2zuLVUo
