ءار ۇلت، ءار حالىق ءۇشىن تاۋەلسىزدىكتەن ارتىق قاسيەتتى دە قىمبات ەشتەڭە جوق. وتىز جىل ىشىندە ەلىمىز الىپ، قۇقىقتىق، دەربەس دەموكراتيالىق مەملەكەت رەتىندە الەمگە تانىلدى. كورشى ەلدەرمەن مەملەكەتتىك شەكارالارىن شەگەندەپ بەكىتتى.  ەلدىگىمىزدى الەمگە تانىتقان باس قالاسىنىڭ ىرگەتاسىن قالادى.

بۇگىندە نۇر-سۇلتان قالاسى اسەم ارحيتەكتۋراسىمەن كوزدىڭ جاۋىن الار ەلىمىزدەگى اسەم قالالاردىڭ بىرىنە اينالىپ وتىر. ارينە، رەسپۋبليكامىزدىڭ وسىنداي بيىكتىكتەردى باعىندىرۋىنا قازاقستاندىقتار سۇبەلى ۇلەس قوسىپ كەلەدى.

– تاۋەلسىزدىك وڭاي جولمەن كەلگەن جوق، ءبىراز قيىندىقتار بولدى. ءوزىم وسى قالاعا سەلينوگراد كەزىندە كەلدىم. وتىز جەتى جىلدان بەرى قوعامدىق كولىكتە قىزمەت ەتەمىن. سەلينوگراد بولدى، استانا بولدى، نۇر-سۇلتان بولدى. وسى قوعامدىق كولىكپەن قۇرىلىسشىلاردى تاسىدىم. وسى از ۋاقىت ىشىندە استانانى سالىپ، ادەمى عيماراتتاردى تۇرعىزعان قۇرىلىسشىلارعا العىسىمدى ايتقىم كەلەدى. كوز الدىمىزدا ءبارى ءوسىپ، ءونىپ جاتىر. قالامىز كوركەيىپ جاتىر. جاستارعا ايتارىم، ەرىنبەي ەڭبەك ەتىپ، قازاقستان تاۋەلسىزدىگىنىڭ بەرىك بولۋىنا ءوز ۇلەستەرىن قوسسىن! قۇرمەتتى وتانداستار، تاۋەلسىزدىگىمىزدىڭ 30 جىلدىعىمەن قۇتتىقتايمىن. ەلىمىز تىنىش، جۇرتىمىز امان بولسىن. مەرەكەلى، بەرەكەلى كۇندەر كوپ بولسىن! مەرەكە قۇتتى بولسىن اعايىندار، – دەيدى نۇر-سۇلتان قالاسىنداعى №1 اۆتوپراكتىڭ كولىك جۇرگىزۋشىسى قانات قۇلتاس.

https://www.youtube.com/watch؟v=h1TL2zuLVUo