Fox News jazýynsha, baiandama bank jazbalarynyń skrinshottary bar.
«Komitet sarapshylary Baiden áýletiniń esep-shotyna Qytai, Qazaqstan, Resei jáne Ýkrainadan milliondaǵan dollar aýǵanyn anyqtady. Prezident otbasynyń munyń qaitarymy retinde qandai qyzmet kórsetkenin anyqtaý ústindemiz. 20 mln dollar az aqsha emes...» delingen qujatta.
Belgili bolǵandai, "eski Qazaqstannyń" ókili, oligarh Keńes Raqyshevtyń tranzaktsiialary osy esepke ilikken.
Raqyshev qazaqstandyq kásipker, Fincraft Group holdinginiń prezidenti, Net Element, Fastlane Ventures direktorlar keńesiniń múshesi, Singulariteam negizin qalaýshylardyń biri. Forbes jýrnalynyń «Qazaqstannyń eń bai biznesmenderiniń TOP-50», «Qazaqstannyń eń yqpaldy biznesmenderiniń TOP-50» tizimderine engizilgen.
Sonymen qatar, ol UQShU bas hatshysy Imanǵali Tasmaǵambetovtyń qyzy Ásel Tasmaǵambetovaǵa úilengen.
"Baiden bul adamdarmen nemese olardyń ókilderimen jeke kezdesken" - deidi Jeims Komer (sýrette).
Budan bólek, Komer Hanter Baiden ákesiniń yqpalyn paidalanyp, Qazaqstan, Resei jáne Ýkrainadaǵy oligarhtardan milliondaǵan aqsha alǵanyn aitady.
Buǵan deiin, áli AQSh prezidenti bolǵan kezde, Tramp BAQ-ty «Baidenniń sybailas jemqorlyqqa qatysy bolýy múmkin ekenin jasyrdy» dep aiyptaǵan edi. Ol Baidenniń uly Hanterdiń shetelden tólemder alǵanyn birneshe ret aitqan.
20 maýsym AQSh prezidenti Djo Baidenniń uly Hanter Baiden úsh federaldy qylmysqa barǵanyn moiyndady.
