Qyrǵyzstan MUQK-niń burynǵy tóraǵasy Qamshybek Táshıevtiń jaqtastarynyń biri Qazaqstanmen shekarada ustalǵan. Bul týraly qyrǵyz BAQ jazdy, dep habarlaıdy Dalanews.kz.
Qyrǵyzstandyq BAQ Qamshybek Táshıevtiń jaqtasy Nurǵazy Anarqulov ustalǵanyn habarlady.
Málimetke sáıkes ol Qazaqstanmen shekarada, Qyrǵyzstan aýmaǵyna kirer kezde qolǵa túsken. Aldyn ala derekte Anarqulov Qyrǵyzstanda prezıdent saılaýyn merziminen buryn ótkizýdi qoldaýǵa shaqyrǵany aıtylady.
Derekkóz málimetinshe, quqyq qorǵaý organdary onyń turǵylyqty mekenjaıynda tintý júrgizgen. Keıin ol Bishkek qalalyq ishki ister basqarmasynyń ýaqytsha ustaý ızolátoryna qamalǵan.
Alaıda, keı derekke qaraǵanda, ol Ystambul qalasynda, Túrkıa aýmaǵynda ustalǵan.
Aıta keteıik, 10 aqpanda Qyrǵyzstannyń Mınıstrler kabıneti tóraǵasynyń orynbasary – Memlekettik ulttyq qaýipsizdik komıtetiniń tóraǵasy Qamshybek Táshıev qyzmetinen bosatyldy.
