"Qazaqtelekom" AQ aktsionerleriniń jyldyq jalpy jinalysynda bir aktsiiaǵa buryn-sońdy bolmaǵan dividend kólemi bekitildi: 2024 jyl úshin 1 aktsiiaǵa 6741,14 teńge jáne ótken jyldary berilmegen dividentter boiynsha 19 923,74 teńge, dep habarlaidy Dalanews.kz.
"2024 jylǵy jyldyq taza kiris 74,19 mlrd teńgeni qurady, al ótken jyldardyń bólinbegen paidasy - 219,3 mlrd teńge. Nátijesinde bir aktsiiaǵa belgilenetin dividend mólsheri 26 664,88 teńgeni quraidy. Bul - "Qazaqtelekom" aktsiialary boiynsha tarihi rekord!"- dep jazdy Qazaqstannyń minoritarlyq aktsionerler qaýymdastyǵy (QAMS) Telegram-daǵy arnasynda.
2025 jylǵy 1 sáýirdegi KASE derekteri boiynsha, "Qazaqtelekom" AQ-tyń majoritarlyq aktsioneri "Samuryq-Qazyna" UÁQ" AQ bolyp tabylady (jai aktsiialardyń 80,85%-y nemese barlyq aktsiialardyń 71,32%-y). Telecom Systems LTD jekemenshik kompaniiasyna 9,19% jai aktsiialar nemese barlyq aktsiialardyń 8,1%-y tiesili. 2025 jylǵy 1 sáýirdegi jaǵdai boiynsha, "Qazaqtelekom" AQ-tyń 10,7 mln qarapaiym jáne 298 785 artyqshylyqqa ie aktsiialary ainalymda júr.
Buǵan deiin saitymyzda 2025 jyldyń I-toqsanynda Qazaqstandaǵy naqty ailyq jalaqy kólemi ótken jyldyń osy kezeńimen salystyrǵanda 1,2%-ǵa óskenin, jalaqy ósiminiń negizgi draiveri – telekommýnikatsiia salasy ekenin jazǵanbyz.
