Qyzylorda qalasynda oblystyq tarihi-ólketaný mýzeiinde Túrkistan oblystyq tarihi-ólketaný mýzeiiniń «Tarihy tereń Túrkistan ólkesi» kóshpeli kórmesi ótip jatyr. Atalǵan kórme Túrkistannyń tarihi ornyn, onyń mádeni-rýhani kelbetin ashyp kórsetý, tarihi muralardy nasihattaý, mádeni bailanysty keńeitý, mekemeler arasyndaǵy yntymaqtastyqty nyǵaitýdy kózdeidi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Ashylý saltanatynda Túrkistan oblystyq tarihi-ólketaný mýzeii direktory Baian Aitymbet kóshpeli kórmeniń negizgi maqsatyn túsindirip, Syr elimen mádeni bailanystardy nyǵaitý jumystaryna toqtaldy. Al jiynda sóz alǵan Qorqyt ata atyndaǵy Qyzylorda ýniversitetiniń qaýymdastyrylǵan professory, tarih ǵylymdarynyń doktory Dastan Sátbai men Qyzylorda oblystyq tarihi-ólketaný mýzeii direktory Kózeibaev Sapar ashyp, kórmeniń aldaǵy jumystaryna sáttilik tiledi.
Kórmege Túrkistan oblysynyń arheologiialyq jáne etnografiialyq murasy, zergerlik buiymdar kollektsiiasy, er qarýy – bes qarý, qasietti sáýlet eskertkishteri, qazaqtyń gobelen óneri jáne aǵash oiý óneri týyndylary jáne eń basty jádiger – Kenesary han Qasymulynyń túpnusqa qylyshy qoiylyp, Syr jurtshylyǵy men qonaqtary nazaryna usynyldy.
Aita keteiik, atalǵan kórme S.Aitbaev atyndaǵy kórkemsýret galereiasynda 15 qarashaǵa deiin jalǵasady.
