قىزىلوردا قالاسىندا وبلىستىق تاريحي-ولكەتانۋ مۋزەيىندە تۇركىستان وبلىستىق تاريحي-ولكەتانۋ مۋزەيىنىڭ «تاريحى تەرەڭ تۇركىستان ولكەسى» كوشپەلى كورمەسى ءوتىپ جاتىر. اتالعان كورمە تۇركىستاننىڭ تاريحي ورنىن، ونىڭ مادەني-رۋحاني كەلبەتىن اشىپ كورسەتۋ، تاريحي مۇرالاردى ناسيحاتتاۋ، مادەني بايلانىستى كەڭەيتۋ، مەكەمەلەر اراسىنداعى ىنتىماقتاستىقتى نىعايتۋدى كوزدەيدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
اشىلۋ سالتاناتىندا تۇركىستان وبلىستىق تاريحي-ولكەتانۋ مۋزەيى ديرەكتورى بايان ايتىمبەت كوشپەلى كورمەنىڭ نەگىزگى ماقساتىن ءتۇسىندىرىپ، سىر ەلىمەن مادەني بايلانىستاردى نىعايتۋ جۇمىستارىنا توقتالدى. ال جيىندا ءسوز العان قورقىت اتا اتىنداعى قىزىلوردا ۋنيۆەرسيتەتىنىڭ قاۋىمداستىرىلعان پروفەسسورى، تاريح عىلىمدارىنىڭ دوكتورى داستان ءساتباي مەن قىزىلوردا وبلىستىق تاريحي-ولكەتانۋ مۋزەيى ديرەكتورى كوزەيبايەۆ ساپار اشىپ، كورمەنىڭ الداعى جۇمىستارىنا ساتتىلىك تىلەدى.
كورمەگە تۇركىستان وبلىسىنىڭ ارحەولوگيالىق جانە ەتنوگرافيالىق مۇراسى، زەرگەرلىك بۇيىمدار كوللەكسياسى، ەر قارۋى – بەس قارۋ، قاسيەتتى ساۋلەت ەسكەرتكىشتەرى، قازاقتىڭ گوبەلەن ونەرى جانە اعاش ويۋ ونەرى تۋىندىلارى جانە ەڭ باستى جادىگەر – كەنەسارى حان قاسىم ۇلىنىڭ ءتۇپنۇسقا قىلىشى قويىلىپ، سىر جۇرتشىلىعى مەن قوناقتارى نازارىنا ۇسىنىلدى.
ايتا كەتەيىك، اتالعان كورمە س.ايتبايەۆ اتىنداعى كوركەمسۋرەت گالەرەياسىندا 15 قاراشاعا دەيىن جالعاسادى.
