Áleýmettik jelide elordadaǵy jekemenshik balabaqshalardyń birinde túsirilgen beinejazba tarady. Kadrlarda tárbieshiniń búldirshinderge dórekilik kórsetip, olardy julqylaǵany anyq kórinedi. Atalǵan oqiǵa BI Group basshysy Aidyn Rahymbaevqa tiesili Aldi BI jekemenshik balabaqshacynda bolǵan, dep habarlaidy Dalanews.kz.
"Qyzmetkerdiń áreketi bizdiń kásibi etika men tártip normalarymyzǵa múldem sáikes kelmeidi. Oǵan qatysty sheshim tez qabyldanyp, tiisti tártippen jumystan bosatyldy", – dep málimdedi kompaniianyń baspasóz qyzmeti.
Oqiǵaǵa bailanysty ishki qyzmettik tekseris bastalǵan. Bi Group kompaniiasy balabaqshadaǵy baqylaý júiesin kúsheitip, balalardyń qaýipsizdigin arttyrýǵa baǵyttalǵan sharalardy qolǵa alǵanyn jetkizdi.
"Mundai jaǵdaidyń qaitalanbaýy úshin ishki baqylaý tetikterin qaita qarap, qatańdatýǵa kiristik. Balalardyń qaýipsizdigine basymdyq beremiz. Biz bul oqiǵa úshin keshirim suraimyz jáne ata-analardyń senimi men alańdaýshylyǵyna túsinistikpen qaraimyz", – delingen kompaniianyń resmi málimdemesinde.
