الەۋمەتتىك جەلىدە ەلورداداعى جەكەمەنشىك بالاباقشالاردىڭ بىرىندە تۇسىرىلگەن بەينەجازبا تارادى. كادرلاردا تاربيەشىنىڭ بۇلدىرشىندەرگە دورەكىلىك كورسەتىپ، ولاردى جۇلقىلاعانى انىق كورىنەدى. اتالعان وقيعا BI Group باسشىسى ايدىن راحىمبايەۆقا تيەسىلى Aldi BI جەكەمەنشىك بالاباقشاcىندا بولعان، دەپ حابارلايدى Dalanews.kz.

"قىزمەتكەردىڭ ارەكەتى ءبىزدىڭ كاسىبي ەتيكا مەن ءتارتىپ نورمالارىمىزعا مۇلدەم سايكەس كەلمەيدى. وعان قاتىستى شەشىم تەز قابىلدانىپ، ءتيىستى تارتىپپەن جۇمىستان بوساتىلدى"، – دەپ مالىمدەدى كومپانيانىڭ باسپا ءسوز قىزمەتى.

وقيعاعا بايلانىستى ىشكى قىزمەتتىك تەكسەرىس باستالعان. Bi Group كومپانياسى بالاباقشاداعى باقىلاۋ جۇيەسىن كۇشەيتىپ، بالالاردىڭ قاۋىپسىزدىگىن ارتتىرۋعا باعىتتالعان شارالاردى قولعا العانىن جەتكىزدى.

"مۇنداي جاعدايدىڭ قايتالانباۋى ءۇشىن ىشكى باقىلاۋ تەتىكتەرىن قايتا قاراپ، قاتاڭداتۋعا كىرىستىك. بالالاردىڭ قاۋىپسىزدىگىنە باسىمدىق بەرەمىز. ءبىز بۇل وقيعا ءۇشىن كەشىرىم سۇرايمىز جانە اتا-انالاردىڭ سەنىمى مەن الاڭداۋشىلىعىنا تۇسىنىستىكپەن قارايمىز"، – دەلىنگەن كومپانيانىڭ رەسمي مالىمدەمەسىندە.